ప్రేయసికి ఆ విజయం అంకితం

Posted: 05/05/2015 11:56 AM IST

టీమిండియా స్టార్ బ్యాట్స్ మెన్ రోహిత్ శర్మ.. ఇటీవలే తన స్నేహితురాలు రితికతో ఎంగేజ్ మెంట్ చేసుకున్న విషయం తెలిసిందే! మైదానంలో ఏ విధంగా ఈ ఆటగాడు వీరవిహారం చేస్తాడో.. అంతే తన ప్రేయసి ప్రేమలో పూర్తిగా మునిగిపోయాడు. ఎంగేజ్ మెంట్ ముగిసిన ఒక రోజులోనే తన కాబోయే భార్యపై ప్రేమను ఒలికించడంలోనూ అతడు తన ప్రత్యేకతను చాటుకున్నాడు. ఈ విషయంలో ఏమాత్రం సంకోచించకుండా తన ప్రేమను ప్రపంచానికి చాటిచెప్పాడు.

మొన్న జరిగిన ఐపీఎల్ మ్యాచులో కింగ్స్ ఎలెవెన్ పంజాబ్ జట్టుపై ముంబై మంచి విజయం సాధించింది. ఆ విజయాన్ని తన ప్రేయసి రితికకు అంకితమిస్తున్నట్లుగా అతడు ప్రకటించాడు. ఈమేరకు ట్విటర్ వేదికగా అతడు ఈ వ్యాఖ్య చేశాడు. ‘పంజాబ్ పై గెలిచిన విజయం నా ప్రేయసి రితికకే’ అని ట్వీట్ చేశాడు. త్వరలోనే వీరిద్దరి పెళ్లి కుటుంబసభ్యుల సమక్షంలో భారీగా జరిపేందుకు సన్నాహాలు జరుపుతున్నారు.