లేదు.. వీడ్కోలు పలకడం లేదు.. అది ఫేక్ అకౌంట్..

Posted: 02/25/2015 08:35 PM IST

తనదాక వస్తేకానీ తెలియదు అన్న మాటకు అర్థం తెలిసివచ్చింది పాకిస్థాన్ క్రికెటర్లకు. అసలే కాలం కలసి రాక ప్రపంచకప్ టార్నమెంట్ లో లీగ్ దశలోనే ఇంటి ముఖం పట్టాల్సిన పరిస్థితిలో ఇంటా, భయటా విమర్శలలతో తలఒంపులుగా భావిస్తోంది పాక్ క్రికెట్ జట్టు. క్రికెట్ అభిమానుల హర్షధ్వానాలు అందుకున్న చోటనే.. చిత్కారాలు, విమర్శలను ఎదుర్కోంటూ పరాభావాన్ని చవిచూస్తున్న వారికి తుంటర్ల నుంచి పెద్ద ఇబ్బందులనే ఎదుర్కొంటున్నారు. అయితే విషయం తెలిసి స్పందించినా.. అదే నిజమని పాకిస్థాన్ క్రికెట్ అభిమానులతో పాటు ప్రజలు అనుకునే సరిస్థితి దాపురించింది.

సరిగ్గా ఇదే పరిస్థితి పాకిస్తాన్‌ స్టార్‌ బ్యాట్స్‌మన్‌ యూనిస్‌ ఖాన్‌ ఎదుర్కోంటున్నాడు. యూనిస్ ఖాన్ పేరుతో పాకిస్థాన్ కు చెందిన ఓ తుంటరి...అతని పేరుమీద ట్విట్టర్‌లో ఫేక్‌ అకౌంట్‌ తెరిచాడు. అంతటితో ఆగకుండా ప్రపంచకప్ టార్నమెంటులో పాకిస్థాన్ ఆటతీరుతో విసిగిపోయాడో ఏమో కానీ... ఈ వరల్డ్‌ కప్‌ టార్నమెంట్ తర్వాత వన్డేల నుంచి రిటైర్‌ అవుతున్నానంటూ ఆ ఫేక్ అకౌంట్లో తుంటరి ట్వీట్‌ చేశాడు. పాకిస్థాన్ ఆటతీరుతో యూనిస్ ఖాన్ తీవ్ర కలత చెందాడని, అందుకే ఈ నిర్ణయం తీసుకున్నాడని అంతా భావించారు. అంతేకాదు ప్రపంచ మీడియా మొత్తం ఈ వార్తను పతాక శీర్షికన ప్రచురించింది. దీంతో కొలుకున్న యూనిస్ ఖాన్ తాను రిటైర్ కావడం లేదని, అలా అని తానసలు ట్విట్టర్ లో పోస్టు చేయలేదన్నాడు. ఆ తరువాత తనకు అసలు ట్విట్టర్ అకౌంట్ లేదని నింపాదిగా అసలు విషయాన్ని చెప్పాడు.

జి.మనోహర్