ఇతని శకం ముగిసినట్లేనా ?

Posted: 06/28/2013 12:40 PM IST

Roger federer wimbledon exit signal the end of an era

స్విస్ టెన్నిస్ దిగ్గజం ఫెడెక్స్ పని అయిపోయిందా ? ఇప్పటి వరకు ఏడు వింబుల్డన్ టైటిళ్ళు నెగ్గి, గ్రాస్ కోర్టుల్లో రారాజుగా వెలుగొందుతున్న ఈయన ప్రస్తుత ఆట చూస్తున్నవారికి ఇతని పనైపోయిందా అనే సందేహం కలిగింది. కారణం ఇతను వింబుల్డన్ రెండో రౌండ్లోనే అన్ సీడెడ్ ఆటగాడి చేతిలో ఓడిపోవడమే. ఫ్రెంచ్ ఓపెలో క్వార్టర్స్ లో ఇంటి ముఖం పట్టిన ఫెదరర్ గ్రాస్ కోర్టులో చెలరేగుతాడని అనుకున్నారు. కానీ ఉక్రెయిన్‌కు చెందిన అన్‌సీడెడ్‌ ఆటగాడు సెర్గీ స్టకోస్కీ చేతిలో అనూహ్య పరాజయం పాలయ్యాడు. ఈ ఓటమితో వరసగా 36 సార్లు గ్రాండ్‌స్లామ్‌ క్వార్టర్స్‌ చేరిన రికార్డుకు కూడా బ్రేక్‌ పడింది. హోరాహోరీగా సాగిన వింబుల్డన్‌ రెండో రౌండ్‌లో పోరులోనే ఇంటి ముఖం పట్టాడు. గత కొన్ని రోజుల నుండి పరాజయాలు పాలవుతున్న ఫెరర్ వయస్సు 32 ఏళ్ళు. ఏ టెన్నిస్ ఆటగాడు అయిన ఆ వయస్సు దాటితే ఫిట్ నెస్ కాపాడుకోవడం కొద్దిగా కష్టమే. పైగా ప్రస్తుతం టెన్నిస్‌లో నాదల్‌, జొకోవిచ్‌, ముర్రే, ఫెర్రర్‌లాంటి యువ ఆటగాళ్లు సత్తా చాటుతున్నారు. వాళ్లతో పోటీ పడి మళ్లీ మునుపటి ఫామ్‌ను అందుకోవడం ఫెడెక్స్‌కు కష్టమేనని వాళ్లు పెదవి విరుస్తున్నారు.

ఇలాంటి వార్తల పై స్పందించిన ఫెడెక్స్ మాట్లాడుతూ... తన కెరీర్ అప్పుడే ముగిసి పోలేదని, ఇంకా చాలా ఏళ్లు ఆడతానని చెబుతున్నాడు. అ యితే టెన్నిస్‌లో కొన్నిసార్లు ఇలాంటి దురదృష్టకర సంఘటనలు చోటు చేసుకోవడం సహజమే అన్నా డు. వరుసగా 36 సార్లు క్వార్టర్స్‌కు చేరిన ఓ ఆటగాడు ఆరంభంలోనే ఓడిపోతే ఇలాంటి అనుమానాలు రావడం సహజమే. అయితే అవన్నింటిని పట్టించుకోకుండా, మరింత కాలం ఫెడెక్స్ స్విస్ అభిమానులను అలరించాలని ఆశిద్దాం.