గేల్ పరుగుల సునామీ...

Posted: 04/23/2013 09:11 PM IST

ఐపీఎల్ మ్యాచ్ అంటే ఏంటో ప్రేక్షకులకు ఈ రోజు అర్థం అయింది. ఒక బ్యాట్స్ మెన్స్ వీర విహారం చేస్తే ఏమౌతుందో తెలిసింది. ఐపీఎల్ లీగ్ మ్యాచ్ లో భాగంగా నేడు బెంగుళూరు రాయల్ ఛాలంజర్స్, పూణె వారియర్స్ మధ్య జరిగిన మ్యాచ్ లో పరుగుల సునామీ కనిపించింది. ఐపీఎల్ చరిత్రలోనే అత్యధిక స్కోర్లు నమోదు అయ్యాయి. దీనంతటికి కారణం విధ్యంసకర బ్యాట్స్ మెన్స్ అయిన క్రిస్ గేల్. పూణెతో జరిగిన మ్యాచ్ లో దుమ్ము రేపాడు. ఆకాశమే హద్దుగా చెలరేగి. పూణె బౌలర్లను ఉతికి ఆరేశాడు. చిన్నస్వామి స్టేడియం పరుగుల ధాటికి చిన్నబోయింది. ఓపెనర్ గా వచ్చిన క్రిస్ గేల్ మొదటి నుండే ధాటిగా ఆడి, కేవలం 30 బంతుల్లోనే సెంచరీ సాధించాడు. ఆ తరువాత కూడా మరిత దూకుడుగా ఆడి 66 బంతుల్లో 13 ఫోర్లు, 17 సిక్సర్లతో 175 పరుగులు సాధించి నాటౌట్ గా నిలిచాడు. దీంతో బెంగుళూరు స్కోరు 263కు వెళ్లింది.

ఇంత భారీ లక్ష్యాన్ని ఛేదించడానికి బరిలోకి దిగిన పూణె  పుణే 20 ఓవర్లలో 9 వికెట్లు కోల్పోయి 133 పరుగులు మాత్రమే చేసి, 130 పరుగుల తేడాతో చిత్తుగా ఓడిపోయింది. స్మిత్(41) ఒక్కడే రాణించాడు. మార్ష్ 25, ఫించ్ 18, యువరాజ్ 16, మన్హాస్ 11 పరుగులు చేశారు. గేల్ ఐపీఎల్‌లో అత్యధిక వ్యక్తిగత స్కోర్ నమోదు చేసిన ఆటగాడిగా నిలిచాడు. అంతకుముందు మెక్‌కల్లమ్‌(158) పేరిట ఉన్న రికార్డ్‌ను బద్ధలు కొట్టాడు.