Posted: 03/13/2013 05:52 PM IST

భారత్ - ఆస్ట్రేలియా సిరీస్ లో భాగంగా రేపు మొహాలీలో మూడో టెస్టు ప్రారంభం కాబోతుంది. అయితే మొదటి రెండు టెస్టుల్లో తన స్పిన్ మాయా జాలంతో కంగారులను కంగారెత్తించిన భారత స్పిన్ బౌలర్లు మూడో టెస్టులో కూడా తన సత్తా చాటేందుకు సిద్ధం అవుతున్నారు. కారణం మొహాలీ పిచ్ కూడా స్పిన్ కు అనుకూలించే విధంగా తయారు చేయడమే. మూడో టెస్టులో ఎలాగైనా గెలవాలని ఆశిస్తున్న ఆసీస్ కు ఈసారి కూడ ఆ ఆశ తీరేటట్లు లేదు. సాంప్రదాయంగా పీసీఏ స్టేడియం వికెట్ పేసర్లకు కొంత అనుకూలిస్తుందని, సిరీస్‌లో కోలుకోవచ్చని భావించిన ఆసీస్ ఆశలపై క్యురేటర్ నీళ్లు చల్లారు. వేసవి కాబట్టి బంతి టర్న్ అవుతుందని, పేసర్లకు ప్రతి రోజు ఉదయం పూట కొద్ది సేపు మాత్రమే అనుకూలంగా ఉంటుందని క్యురేటర్ దల్జీత్ సింగ్ చెప్పారు. ఆస్ట్రేలియా కోచ్ కూడా దల్జీత్ మాటలతో ఏకీభవించాడు. సో... ఆసీస్ కి మళ్లీ కష్టాలు తప్పవేమో...?