Posted: 12/25/2012 12:06 PM IST

భారత్ పాక్ అభిమానులు ఎంతో ఆశగా ఎదురు చూస్తున్న భారత్ - పాక్ ద్వైపాక్షిక సిరీస్ కు రంగం సిద్ధం అయింది. నేటి నుండే ఈ క్రికెట్ సమరానికి తెరలేవనుంది. ఐదు సంవత్సరాల తర్వాత ఈ రెండు జట్ల మధ్య సిరీస్ జరగబోతోంది. రెండు టి20లు, మూడు వన్డేల సిరీస్‌కు నేడు బెంగళూరు వేదిక కానుంది. బెంగళూరులోని చిన్నస్వామి స్టేడియంలో నేటి సాయంత్రం అనగా, మంగళవారం తొలి టి20 మ్యాచ్ జరగనుంది.  బలాబలాల పరంగా బ్యాటింగ్‌లో భారత్, బౌలింగ్‌లో పాకిస్థాన్ బలంగా ఉన్న ఈ రెండు జట్ల మధ్య పోరు రసవత్తరంగా జరగనుంది. . 2007లో చివరిసారి భారత్ వచ్చిన పాకిస్థాన్ జట్టు 2008లో ముంబైలో ఉగ్రవాదుల దాడి తర్వాత మళ్లీ సిరీస్ ఆడటానికి రాలేదు. ఈ ఐదేళ్లలో అడపాదడపా ఐసీసీ ఈవెంట్లలో తలపడుతున్నా... పూర్తి స్థాయి సిరీస్ మాత్రం జరగలేదు. లోటు ఇప్పుడు తీరనుంది. అసలే ఇంగ్లాండ్ తో టెస్టు సిరీస్ కోల్పోయి, టి20 సిరీస్ ని సమం చేసుకున్న భారత్ దాయాదుల పైన గెలిచి భారత అభిమానులను అలరిస్తారో లేదో చూడాలి.