Posted: 12/24/2012 11:34 AM IST

భారత క్రికెట్ దేవుడ్ సచిన్ టెండూల్కర్ వన్డే క్రికెట్ కి మాత్రమే గుడ్ బై చెప్పాడు. అంటే ఇతని శకం వన్డేల్లో మాత్రమే ముగిసింది. ఇక పై భారత వన్డే టీంలో సచిన్ పేరు ఉండదు. వన్డే లో ఇతని ఆట చూడకపోయినా,కానీ టెస్టు జట్టులో మాత్రం ఇతని ఆటను చూడవచ్చు. అయితే ఇప్పుడు ఇతని పై మరో ఆసక్తికర చర్చ మొదలైంది క్రీడా వర్గాల్లో. సచిన్ టెస్టుల్లో ఎన్నో రోజులు ఆడుతాడు ? ఇప్పటికే సుదీర్ఘ ఇన్నింగ్స్ ఆడుతున్న సచిన్ టెస్టుల్లో ఎన్ని రోజులు ఆడుతాడో త్వరలో తేలిపోనుంది. వచ్చే జనవరి ఆరంభంలోనే ఆస్ట్రేలియాతో స్వదేశంలో టెస్టు సిరీస్ ఉంది. ఆస్ట్రేలియాతో సిరీస్ అయిపోగానే అందులో అతని ఆట తీరును బట్టి టెస్టులకు కూడా వీడ్కోలు చెబుతాడా ? లేక కొనసాగుతాడా అన్నది ఇక్కడ ఆలోచించాల్సిన విషయం. ఆ సిరీస్‌లోనూ ఇప్పటి లాగే విఫలమైతే అంతర్జాతీయ క్రికెట్‌కు పూర్తిగా గుడ్‌బై చెప్పే అవకాశం అవకాశం ఉందని అంటున్నారు క్రీడా విశ్లేషకులు. ఒకవేళ ఆసీస్‌తో సిరీస్‌లో రాణించి, మళ్లీ గాడిలో పడితే మరి కొంత కాలం టెస్టుల్లో ఆడే అవకాశం ఉందని కూడా అంటున్నారు. ఒక వేళ సచిన్ కొనసాగితే...ప్రస్తుతం సచిన్ 194 టెస్టులు ఆడిన సచిన్ 200 టెస్టుల మార్కును దాటే అరుదైన అవకాశం దక్కించుకోవచ్చు అంటున్నారు.