Posted: 11/04/2012 05:12 PM IST

తీవ్ర అస్వస్థత నుండి కోలుకొని ఈ ఏడాది మంచి ఆటతీరు కనబర్చిన అమెరికన్‌ టెన్నిస్‌ స్టార్‌ సెరీనా విలియమ్స్‌ త్వరలోనే 'నెంబర్‌ వన్‌' ర్యాంకింగ్‌ అందుకుం టాననే విశ్వాసాన్ని వ్యక్తం చేసింది. బాలికల్లో టెన్నిస్‌ పట్ల ఆసక్తి కలిగించేందుకు తన సోదరి వీనస్‌తో కలిసి దక్షిణాఫ్రికా లో పర్యటిస్తున్న సెరీనా పలు కార్యక్రమంలో పాల్గొంటోంది. వీనస్‌తో కలిసి ఒక ఎగ్జిబిషన్‌ మ్యాచ్‌లో ఆడిన అనంతరం మీడియాతో మాట్లాడుతూ, వాస్తవానికి తాను ర్యాంకింగ్స్‌ గురించి పట్టించుకోవడం లేదని, ప్రస్తుతం గ్రాండ్‌ స్లామ్‌లపై దృష్టి కేంద్రీకరిస్తున్నానని, ధాటిగా ఆడితే ర్యాంకింగ్‌ కూడా మెరుగవుతుందని వ్యాఖ్యానించింది. టాప్‌ ర్యాంకర్‌ విక్టోరియా అజరెంకా కన్నా 1195 ర్యాంకింగ్‌ పాయింట్లు, రెండో ర్యాంకర్‌ షరపోవా కన్నా 645 పాయింట్లు ప్రస్తుతానికి సెరీనా వెనుకబడి వుంది.

...avnk