అశోక్ బాబు అనుమతించాలి- సంయమనం పాటించాలి : జానారెడ్డి

Posted: 09/04/2013 09:13 PM IST

Ashok babu to request police statements on bifurcation jana reddy

సెప్టెంబర్ ఏడవ తేదీన హైదరాబాద్ లో తాము తలపెట్టిన సమైక్య సభకు అందరికీ అనుమతివ్వాలని పోలీసు అధికారులకు విజ్ఞప్తి చేయనున్నట్లు ఏపీ ఎన్జీఓల అధ్యక్షుడు అశోక్ బాబు అన్నారు. సభలో పాల్గొనేందుకు కేవలం ఉద్యోగులకే అనుమతి ఇస్తామని పోలీసు ఉన్నతాధికారులు తమకు తెలిపారని చెప్పారు. అయితే సీమాంధ్రలో జరుగుతున్న ఉద్యమంలో ఒక్క ఉద్యోగులే పాల్గొనలేదని విద్యార్థులు, వివిధ తరగతులకు చెందిన ప్రజలందరూ పాల్గొంటున్నారు కావున వారందరికీ ఈ సభకు అనుమతి ఇవ్వాలని కోరారు. తమ విజ్ఞప్తిని పోలీసులు అధికారులు అంగీకరిస్తారని ఆశిస్తున్నామని తెలిపారు. సభకు పాల్గొనే వారందరికీ టోకెన్స్ ఇస్తామని ఆయన చెప్పారు. విభజన వల్ల నష్టాలు, సమైక్యంగా ఉంటే లాభాలేంటనే విషయాలను ఈ సభలో వివరిస్తామని ఆయన పేర్కొన్నారు.ఎవరైనా ఎక్కడైనా యాత్రలు చేసుకునే హక్కు ఉందని, వారిని అడ్డుకునే హక్కు ఎవ్వరికీ లేదని అన్నారు. చంద్రబాబు, షర్మిల యాత్రలతో ప్రజలకు ఒరిగేది ఏమీ లేదన్నారు.

పాటించాలి : జానారెడ్డి

ఈ నెల 7న సీమాంధ్ర ఉద్యోగుల జెఎసి సమైక్య సభను, తెలంగాణ జెఎసి శాంతి ర్యాలీ జరపాలని నిర్ణయించిన నేపథ్యంలో ఇరు ప్రాంతాల నేతలు, ప్రజలు సంయమనం పాటించాలని మంత్రి జానారెడ్డి విజ్ఞప్తి చేశారు. సచివాలయంలోఆయన మాట్లాడారు. రాష్ట్ర విభజనపై నేతలు ప్రజలను రెచ్చగొట్టే వ్యాఖ్యలు చేయవద్దని కోరారు. సమైక్యాంధ్రకై సీమాంధ్ర ప్రాంత ఉద్యోగులు, ప్రజలు 35 రోజులుగా ఉద్యమించడం దురదృష్టకరమన్నారు.