‘సెకండ్ హ్యాండ్ హజ్బెండ్’తో గోవిందా కూతురు రొమాన్స్

Posted: 06/19/2015 05:13 PM IST

Govinda daughter tina ahuja debut film titled second hand husband

నటుడు గోవిందా రెండు మూడు దశాబ్దాలపాటు బాలీవుడ్ ఇండస్ట్రీని షేక్ చేసిన విషయం తెలిసిందే! తనదైన కామెడీ టైమింగ్, చిత్రవిచిత్రమైన డాన్సులు చేసి ప్రేక్షకులను అలరించాడు. ఇండియన్ ఇండస్ట్రీలో హిస్టరీలోనే తనకంటూ ప్రత్యేక గుర్తింపు సాధించాడు. అటువంటి ఈ హీరో కూతురు టీనా అహూజా ‘సెకండ్ హ్యాండ్ మొగుడి’తో రొమాన్స్ చేసేందుకు గ్రీన్ సిగ్నల్ ఇచ్చిందట! ఇదేదో ఆమె పర్సనల్ విషయం అయితే కాదులెండి.. రీల్ లైఫ్ స్టోరీ!

అసలు విషయం ఏమిటంటే.. గోవిందా కుమార్తె టీనా బాలీవుడ్ తెరకు త్వరలోనే పరిచయం కానుందని గతకొన్నాళ్ల నుంచి వార్తలు వస్తున్న విషయం తెలిసిందే! అయితే.. ఆమె ఏ మూవీతో తెరంగేట్రం చేయనుందన్న విషయంపై ఇన్నాళ్లూ బహిర్గతం కాలేదు. ఇప్పుడు ఆమె ఏ సినిమాతో ఎంట్రీ ఇవ్వబోతోందోనన్న విషయంపై క్లారిటీ వచ్చేసింది. ‘సెకండ్ హ్యాండ్ హజ్బెండ్’ అనే సినిమాతో టీనా బాలీవుడ్ రంగప్రవేశం చేస్తోందని సమాచారం! కామెడీ నేపథ్యంలో సాగే సినిమా కాబట్టి.. ప్రేక్షకులను ఆకర్సించేలా ఆ విధంగా టైటిల్ పెట్టినట్లు మూవీ యూనిట్ స్పష్టం చేస్తోంది. ఈ సినిమాలో ఆమెతో పాటు ధర్మేంద్ర, జిప్పీ గ్రేవాల్ కూడా నటిస్తున్నారు.

ఇదిలావుండగా.. తండ్రి వారసత్వంతో ఇండస్ట్రీలో ఎంట్రీ ఇస్తున్న టీనా.. తన మీద చాలా పెద్ద బాధ్యత ఉందని చెబుతోంది. తన తొలి ప్రాజెక్టు గురించి ఒకవైపు ఎంతో ఉత్సాహంగానూ, మరోవైపు భయంభయంగాను ఉందని తెలిపింది. తొలి సినిమా చేసేందుకు ఎందుకు ఇంతకాలం వేచి చూశారని ప్రశ్నించగా, తానింకా సినీపరిశ్రమలోకి ప్రవేశించడానికి సిద్ధం కానప్పుడే తన గురించి మీడియాలో రాశారని.. నిజానికి 2013లోనే తాను సినిమాల్లోకి రావాల్సి ఉన్నా.. సాంకేతిక కారణాల వల్ల కుదరలేదని చెప్పింది.