క్యాన్సర్ భయంతో అది తీయించేసుకున్న జోలీ

Posted: 03/24/2015 06:32 PM IST

Angelina jolie has ovaries and fallopian tubes removed

మాజీ ప్రపంచ సుందరి ఏంజెలీనా జోలీ ఒకప్పుడు హాలీవుడ్ లో తన అందాల మాయాజాలాన్ని ప్రదర్శించిన విషయం తెలిసిందే! కొంతకాలం విరామం తర్వాత ‘మలఫిషియెంట్’ సినిమాతో తిరిగి వెండితెరకు పరిచయమైన ఈ అమ్మడికి.. గతకొన్నాళ్ళ నుంచి క్యాన్సర్ భయం చుట్టుముట్టింది. దీంతో ఈ అమ్మడు ఏ మహిళా సాహసించలేని పనిని చేసింది. కొన్నిరోజుల కిందట క్యాన్సర్ భయంతో తన అండాశయాన్ని, ఫెలోపియన్ నాళాలను తీసేయించుకున్నట్లు జోలీ ప్రకటించింది.

రెండేళ్ల కిందట రెండేళ్ల కిందటే జోలీ బ్రెస్ట్ క్యాన్సర్ బారిన పడింది. అయితే.. అది ఆరంభ దశలో వుండగానే ఈమె శస్త్రచికిత్స చేయించుకుందని తాజాగా వెల్లడించింది. ఇదిలావుండగా.. 56 ఏళ్ల జోలీ తల్లి గతంలో అండాశయం క్యాన్సర్ తో మరణించింది. ఈ క్యాన్సర్ వంశపారంపర్యంగా జోలీకి వచ్చే అవకాశం 50% శాతం వరకు వున్నాయని డాక్టర్లు వెల్లడించారు. దీంతో.. తనకూ వచ్చే ప్రమాదం వుందని భావించిన జోలీ.. తాజాగా తాను అండాశయాన్ని, ఫెలోపియన్ నాళాలను తీయించేసుకున్నట్లు తెలిపింది. ఈ విషయాన్ని జోలీ న్యూయార్క్ టైమ్స్ పత్రికతో జరిపిన ఇంటర్వ్యూలో భాగంగా వెల్లడించింది. ఈ క్రమంలోనే తాను మెనోపాజ్ దశలోకి ప్రవేశించానని తెలిపింది.

ఈ నేపథ్యంలోనే జోలీ మాట్లాడుతూ.. ‘ఇక నాకు పిల్లలు కనే సామర్థ్యం లేదు. నేను చేయించుకున్న ఈ ఆపరేషన్ వల్ల నాలో కొన్ని శారీరక మార్పులు వస్తాయనుకుంటున్నా. కానీ ఏమైనా నేను ఇక నుంచి ప్రశాంతంగా వుంటాను. నేను చాలా స్ట్రాంగ్ అని చెప్పలేను కానీ.. ఇక భయడాల్సిన అవసరం లేదు’ అని ఈమె స్పష్టం చేసింది. గతంలో జోలీ తల్లితోపాటు, ఆమె అమ్మమ్మ, ఆంటీ ముగ్గురూ ఈ అండాశయ క్యాన్సర్ కారణంగానే చనిపోయారు.