సల్మాన్ కిక్కిచ్చే జంప్ చేశాడు

Posted: 04/21/2014 05:25 PM IST

Salman hangs from 40th floor of a building

చేసే ప్రతి పనిలో కిక్ ఉండాలని అంటుంటారు చాలా మంది. ఈ సూత్రం సినిమా హీరోలకు కూడా వర్తిస్తుంది. ప్రతి సినిమాలో ఏదో కొత్తగా చేసి ప్రేక్షకులకు కిక్ ఇవ్వాలని అనుకుంటారు. ఇప్పుడు బాలీవుడ్ బహ్మచారి కండల వీరుడు సల్మాన్ ఖాన్ కూడా అలాంటిదే చేసి మాంచి కిక్ ఇచ్చాడు. ఇంతకీ విషయం ఏంటంటే టాలీవుడ్ లో రవితేజ నటించిన ‘కిక్ ’ సినిమాను బాలీవుడ్ లో రీమేక్ చేస్తున్నారు. ఈ సినిమా కోసం ఆయన పోలండ్ లోని అత్యంత ఎత్తైన భవనం ప్యాలెస్ ఆఫ్ కల్చర్ అండ్ సైన్స్ నుంచి సల్మాన్ బంగీజంప్ చేసే సీను షూట్ చేశారు.

40 వ అంతస్తు నుంచి కిందకి దూకాడు. బంగీ జంప్ చేసి అంతెత్తు భవనం నుంచి తలకిందులుగా వేలాడాడు. ఈ సన్నివేశాన్ని చిత్రీకరించడానికి దాదాపు 5 గంటల సమయం తీసుకుంటే ... అంత సేపు అక్కడున్న వారు ఊపిరి బిగపట్టుకొని చూశారట. ఈ సీన్ సినిమాలో ఇంక మాంచి కిక్ ఇస్తుందని అంటున్నారు. జాక్విలిన్ ఫెర్నాండెజ్ హీరోయిన్ గా నటిస్తుంది.