ఐపీఎల్ మీద మోజు పడ్డ సల్మాన్ ఖాన్

Posted: 02/15/2014 05:17 PM IST

సినిమా సెలబ్రెటీలు ఏదో ఒక సైడ్ బిజినెస్ చేస్తూ రెండు చేతులా సంపాదిస్తుంటారు. ఇక బాలీవుడ్ సెలబ్రెటీలు అయితే వేరే చెప్పాల్సిన పనిలేదు. ఇప్పటికే చాలా మంది సెలబ్రెటీలు వివిధ వ్యాపారాలు చేస్తుంటే ఇప్పుడు వారి జాబితాలోకి కండల వీరుడు సల్మాన్ ఖాన్ కూడా వచ్చి చేరుతున్నాడు.

మన దేశంలో అంత్యంత పాపులారిటీ ఉన్న క్రికెట్ లో ఐపీఎల్ ఫ్రాంఛైజీ కొనుగోలు చేయడానికి ప్రయత్నాలు మొదలు పెట్టినట్లు సమాచారం. ఇప్పటికే బాలీవుడ్ స్టార్ షారుఖ్ ఖాన్, ప్రీతి జింతా, శిల్పా శెట్టి లాంటి వారు ఐపీఎల్ ఫ్రాంచైజీలు కొనుగోలు చేసి ఓనర్లుగా మారిన సంగతి తెలిసిందే.  ఇప్పుడు సల్మాన్ కూడా అదే పనిలో ఉండి.... ఇటీవల ముంబైలో జరిగిన లిటిల్ హార్ట్స్ మారథాన్‌లో పాల్గొన్న సల్మాన్ ఖాన్, నెస్ వాడియతో ఐపీఎల్ గురించి చర్చించినట్లు వార్తలు వినిపిస్తున్నాయి.

సల్మాన్ ఖాన్ క్లోజ్ ఫ్రెండ్స్ అయిన ప్రీతీ జింతా, నెస్ వాడియాలను కలిసి ఐపీఎల్ టీం కొనుగోలు చేస్తే ఎలా ఉంటుంది? లాభ నష్టాలు ఏ విధంగా ఉంటాయి అనే విషయాలపై సల్మాన్ ఖాన్ చర్చించినట్లు తెలుస్తోంది. ఈ చర్చల్లో భాగంగా వారు ఇఫ్పుడున్న పరిస్థితులను, అందులో ఉండే లాభ నష్టాలను గురించి సల్మాన్ కి పూస గుచ్చినట్లు చెప్పారట. దీని పై సల్మాన్ ఇంకా ఎలాంటి నిర్ణయం తీసుకోక పోయినా, సల్మాన్ లాంటి స్టార్ హీరో ఫ్రాంచైజీ కొనుగోలు చేయడం వల్ల పలు కార్పొరేట్ కంపెనీలు స్పాన్సర్లుగా వ్యవహరించడానికి క్యూ కడతాయని విశ్లేషకులు అంచనా వేస్తున్నారు.