షబానాకు ఐదవ డాక్టరేట్

Posted: 02/03/2014 05:44 PM IST

Shabana azmi is all set to receive her fifth doctorate

ఒకప్పటి ప్రముఖ బాలీవుడ్, ప్రస్తుత సామాజిక కార్యకర్త షబానా అజ్మీకి డాక్టరేట్ల మీద డాక్టరేట్లు వస్తున్నాయి. ఆమె సామాజిక కార్యకర్తగా ఎయిడ్స్ వ్యాధి నిర్మూలనకు, బాలల సంరక్షణ కోసం అందిస్తున్న సేవలను గుర్తించిన తెరి యూనివర్శిటీ కూడా గౌరవ డాక్టరేట్ ని ప్రకటించింది. ఇప్పటికే 2003లో పశ్చిమ బెంగాల్ లోని జాదవ్ పూర్ యూనివర్సిటీ, 2007లో యార్క్ షైర్ లోని లీడ్స్ మెట్రోపాలిటన్ యూనివర్సిటీ, 2008లో ఢిల్లీలోని జామియా మిలియా యూనివర్సిటీ, 2013లో సిమన్ ఫ్రేజర్ యూనివర్సిటీ గౌరవ డాక్టరేట్ ను ప్రకటించాయి.

ఇప్పటికే నాలుగు డాక్టరేట్లు పొందిన షబానాకు ఇది ఐదో డాక్టరేట్. 1974లో బాలీవుడ్ వెండితెర పై శ్యాం బెనెగల్ దర్శకత్వంలో పరిచయం అయిన ఈమె దాదాపు 120 చిత్రాల్లో నటించి ఎన్నో అవార్డులు కూడా అందుకున్నారు. ప్రస్తుతం సినిమాలకు దూరంగా ఉంటున్న ఈమె పూర్తి సమయాన్ని సామాజిక కార్యక్రమాలకే కేటాయిస్తున్నారు. ఈ డాక్టరేట్ ప్రకటించిన తరువాత షబాసా కింది విధంగా పోస్టు చేసింది.

Honoured and humbled to be getting a Doctorate from TERI university on 5th Feb. It is my 5th!

— Azmi Shabana (@AzmiShabana) February 3, 2014