రెండో పెళ్లి సిద్దమౌతున్న గాయని సునిత.?

Posted: 07/19/2018 06:53 PM IST

Singer sunitha second marriage rumours making rounds on web

గాయనిగా, డబ్బింగ్ ఆర్టిస్టుగా తెలుగు ప్రజలకు సుపరిచితమైన సునీత ఉపద్రష్ట త్వరలోనే పెళ్లి చేసుకోబోతున్నట్టు తెలుస్తోంది. సింగర్ సునీతగా పాపులర్ అయిన ఆమె కొన్నేళ్ల క్రితమే తన భర్త నుంచి విడాకులు తీసుకున్నారు. వ్యక్తిగత జీవితంలో ఎన్నో కష్టాలను ఎదుర్కొన్నప్పటికీ.. పైకి మాత్రం ఆమె చిరునవ్వుతోనే కనిపించేవారు. సునీతకి 19 ఏళ్ల వయసులోనే పెళ్లయ్యింది. ఇద్దరు పిల్లలు పుట్టాక.. భర్త తీరుతో విసిగిపోయిన ఆమె చాలా ఏళ్లుగా అతడికి దూరంగా ఉంటున్నారు.

మరో పెళ్లి చేసుకుంటారా.. అనే ప్రశ్న సునీతకు చాలా ఏళ్లుగా ఎదురవుతోంది. దీనికి ఆమె ఎప్పుడూ లేదనే సమాధానం ఇచ్చేవారు. కానీ గత కొన్నాళ్లుగా ఆమె పెళ్లి విషయం ఆలోచిస్తున్నట్టు తెలుస్తోంది. ఆమెకు కాబోయే భర్త ఐటీ కంపెనీ యజమాని అని, ఆయన కూడా ఇదివరకే విడాకులు తీసుకున్నారని సమాచారం. ఇప్పటి వరకూ పెళ్లి విషయాన్ని సునీత అధికారికంగా ఈ విషయాన్ని ప్రకటించలేదు. గత నెలలోనే సునీత నానమ్మ చనిపోయారు. సునీత ఇన్నాళ్లూ పిల్లలే ప్రాణంగా బతికారు.

అయితే ఇప్పుడు అమె పిల్లలు కూడా పెద్దవాళ్లవడం.. తల్లిని అర్థం చేసుకోవడంతో సునీత మరో పెళ్లి చేసుకోవాలనుకోవడం సరైన నిర్ణయమేనని ఆమె గురించి తెలిసినవారు అభిప్రాయపడుతున్నారు. త్వరలోనే పెళ్లి చేసుకోబోతున్నట్టు రేణుదేశాయ్ ప్రకటించిన సంగతి తెలిసిందే. పవన్‌తో విడిపోయాక ఏళ్లపాటు ఒంటరిగా గడిపిన ఆమె.. ఇటీవలే మరో వ్యక్తితో ఎంగేజ్‌మెంట్ చేసుకుంది. త్వరలోనే ఆమె పెళ్లిపీటలు ఎక్కనుంది. సునీత పెళ్లి వార్తలు నిజమైనా అన్న వార్తలపై ఇంకా సునిత నుంచి ఎలాంటి క్లారిటీ రాలేదు.