బోయపాటితో చెర్రీ మూవీ ఖరారైనట్లే!

Posted: 11/13/2017 12:12 PM IST

ఊర మాస్ చిత్రాల దర్శకుడు బోయపాటి శీను తన తర్వాతి చిత్రంలో ఓ క్లారిటీ ఇచ్చే యత్నం చేస్తున్నారు. ప్రస్తుతం స్క్రిప్ట్ లు పట్టుకుని మెగా కాంపౌండ్ చుట్టూ చక్కర్లు కొట్టడం చర్చనీయాంశంమైంది.

అయితే అది చిరుతోనా? లేక మెగా పవర్ స్టార్ రామ్ చరణ్ తోనా? అన్నదే ఇప్పుడు అసలు ప్రశ్న. గతంలో బోయపాటితో సింహా మిస్ అయినప్పటికీ.. తన తర్వాతి చిత్రాల్లో ఏదో ఒకటి ఉండబోతుందని అప్పట్లో చెప్పారు కూడా. కానీ, ఇప్పుడు తెస్తున్న స్క్రిప్ట్ లు మాత్రం చెర్రీ కోసమేనని చెబుతున్నారు.

ఓవైపు కొరటాల మెగా హీరో కోసం కథలు సిద్ధం చేస్తున్న తరుణంలో బోయపాటి ఎంట్రీ ఊహించనిదే. ముందు స్క్రిప్ట్ పట్ల ఆసక్తికనబరిచిన చెర్రీ.. ఆపై చిరుకు పంపించగా..  చిరు ఓకే తోనే బోయపాటికి చెర్రీ గ్రీన్ సిగ్నల్ ఇచ్చేశాడంట. డిసెంబర్ చివరి వారి నుంచి డీవీవీ దానయ్య నిర్మిస్తున్న ఈ చిత్రం ముహుర్తం జరుపుకోబోతుందని చెబుతున్నారు.