చెర్రీ లుక్కుతోనే అసలు సమస్యనా?

Posted: 02/28/2017 01:05 PM IST

Charan village look reason for movie delay

రెగ్యులర్ షూటింగ్ ప్రారంభం కాకముందే టాలీవుడ్ లో క్రేజీ ప్రాజెక్టుగా మెగా పవర్ స్టార్ రాంచరణ్, లెక్కల మాస్టర్ సుకుమార్ సినిమా స్టాంప్ పడిపోయింది. జనవరి చివర్లో ముహుర్తం లాంఛ్ కాగా రెగ్యులర్ షూటింగ్ డేట్లు మాత్రం అనౌన్స్ చేయలేకపోయారు. దీంతో దసరా కాంపిటీషన్ లో సినిమా నిలవటం డౌట్ గానే అంతా భావించారు. అయితే షూటింగ్ స్పాట్లతోనే అసలు సమస్య ఉందని ఈ మధ్య ఓ వార్త బయటికి వచ్చింది. కానీ, నిజానికి అది రీజన్ కాదని ఇప్పుడు బయటపడింది. చెర్రీ ప్రీ లుక్కు కోసం క్లిక్ చేయండి

తన హీరోల లుక్కు విషయంలో ఫర్ ఫెక్ట్ గా ఉంటాడని సుక్కూకి ఓ పేరుంది. బాడీ లాంగ్వేజీ దగ్గరి నుంచి స్టైలింగ్ లో చాలా కేర్ తీసుకుంటుంటాడు. చివరకు వారికి టెస్ట్ షూట్ లు చేశాకే షూటింగ్ కు ప్రోసీడ్ అవుతుంటాడు. కొత్త ప్రాజెక్టు విషయంలో ఇదే ఆలస్యానికి కారణమౌతుందంట. ధ్రువ సినిమా కోసం ప్యూర్ వెజిటేరియన్ గా మారి బాడీ పెంచేసిన చెర్రీ ఇప్పుడు ఆ మధ్య సన్నబడి గడ్డం లుక్కుతో కనిపించాడు.

కానీ, గ్రామీణ కుర్రాడి రోల్ కావటంతో విలజేర్ గా కనిపించేంత వరకు తన కెమెరామెన్ తో కలిసి ఏకధాటిగా నిర్వహించాడంట. అందుకు చెర్రీ కూడా చాలా ఓపికగా సహకరించినట్లు తెలుస్తోంది. తన మైండ్ లో ఏది ఫిక్సయ్యాడో ఆ లుక్కు వచ్చేవరకు షూట్ లు చేసిన సుకుమార్ చివరకు 15వ షూట్ కి ఓకే చేయటంతో త్వరలో షూటింగ్ ప్రారంభం కాబోతుందని సమాచారం. ఇక లోకేషన్ల సమస్య ఏం లేదని, అందమైన కోస్తా ప్రాంతంలో గ్రామీణ నేపథ్యలో ఇది తెరకెక్కబోతుందని చిత్ర యూనిట్ ఇప్పటికే చెప్పేసింది. సమంత హీరోయిన్ గా నటిస్తున్న ఈ చిత్రంలో ఆది పినిశెట్టి ఓ కీ రోల్ చేస్తుండగా, దేవీశ్రీప్రసాద్ స్వరాలు సమకూరుస్తున్నాడు.