సమంత-2017 ష్... గప్ చుప్

Posted: 01/09/2017 04:30 PM IST

అక్కినేని ఇంటికి కాబోయే కోడలు సమంత తెలుగులో సినిమాలో కనిపించటం మానేసి(ఆఫర్లు రాక) ఆరు నెలలు కావొస్తోంది. మంచి కథ దొరికితే తప్పక చేస్తానని మొదటి నుంచి చెబుతున్న సామ్ ఆ తర్వాత మాట మార్చి అసలు తనను అప్రోచ్ కావటానికే మేకర్లు జంకుతున్నారంటూ మరో స్టేట్ మెంట్ ఇచ్చింది. అయితే రీసెంట్ గా ఓ ట్వీట్ చేస్తూ తాను వరుసగా సినిమాలకు సైన్ చేశానని, ఈ యేడాదిలో 4 బ్యాక్ టూ బ్యాక్ సినిమాలు చేస్తానని చెప్పుకొచ్చింది.

ఇప్పటికే శివకార్తీకేయన్, విశాల్ సినిమాల షూటింగ్ లో పాల్గొంటున్న సమంత మరో రెండు సినిమాలు లైన్ లో ఉన్నట్లు చెప్పింది. అయితే అది ఎవరితోనో? ఎప్పటి నుంచి మొదలౌతాయన్న విషయంలో మాత్రం స్పష్టత ఇవ్వలేదు. ఇక మరోవైపు తెలుగు ప్రాజెక్టుల విషయంలో ఇంతవరకు ఒక్క కథను కూడా ఓకే చేయలేదు. ఆ మధ్య సుకుమార్ - చెర్రీ సినిమాకు హీరోయిన్ గా అనుకుంటున్నారని చెప్పినప్పటికీ, మూడోసారి కూడా అది ఉత్తదేనని తేలిపోయింది.

ఏదీ ఏమైనా తన సినిమాల విషయంలో సమంతే క్లారిటీగా లేదన్న విషయం స్పష్టమౌతోంది. ప్రోఫెషనల్ సంగతి పక్కనబెడితే ఈనెల 29న చైతూతో ఎంగేజ్ మెంట్ అన్న గుసగుసలు మాత్రం వినిపిస్తున్నాయి. మరి ఆ వార్తైనా నిజమో? కాదో? రెస్పాన్స్ అయితే బెటర్ ఏమో!