తమన్నా కోటిన్నర పారితోషకం ఎందుకోసం?

Posted: 11/23/2016 03:28 PM IST

స్టార్ హీరోయిన్లు మెల్లిగా సౌత్ లోకి మార్కెట్ ను విస్తరించుకోవటం, ఆపై అడ్డగొలుగా రెమ్యునరేషన్ ను పెంచేసి స్టార్ డమ్ ను అనుభవించేయటం మనం చూస్తున్నదే. నయనతార లాంటి గోల్డెన్ లెగ్ ఇప్పుడు ఇప్పుడున్న ఇక్కడ హై రెమ్యునరేషన్ అందుకుంటున్న హీరోయిన్. అదే సమయంలో ఒక్క పాట ద్వారా కోట్లు వెనకేసుకుంటున్న వారు కూడా బోలెడంత మంది ఉన్నారు.

అలాంటి వారిలో ఖచ్ఛితంగా చెప్పుకోదగ్గ పేరులో మిల్కీ బ్యూటీ పేరు ఖచ్ఛితంగా ముందుంటుంది. కెరీర్ వరుస ఫ్లాపులతో డల్ అయిపోతున్న సమయంలో అల్లుడు శీనులో చేసిన ఐటెం సాంగ్ తో డబ్బుకు డబ్బు, ఆపై వరుసగా మళ్లీ అవకాశాలను అందిపుచ్చుకుంది. అంతేనా కన్నడలో బిగ్గెస్ట్ బడ్జెట్ మూవీ జాగ్వార్ లో నిఖిల్ సరసన చిందులేసి భారీగానే రెమ్యునరేషన్ అందుకుంది. ఆపై మరికొంత మంది హీరోయిన్లకు కూడా ఇలాంటి రూట్ లో పయనించడంటూ ఎంచక్కా హింట్ కూడా ఇచ్చేసింది.

ఇక ఇప్పుడు ఈవెంట్ల ద్వారా కూడా సొమ్ములను వెనకేసుకునేందుకు సిద్దమైపోయింది ఈ సెక్సీ బ్యూటీ. చెన్నైలో న్యూఈయర్ వేడుకల కోసం ఓ హోటల్ నిర్వహించే బాష్ వేడుకలకు డాన్సులు వేసేందుకు సిద్ధమైపోతుంది. ఇందుకోసం సుమారు కోటిన్నర పారితోషకం ఆమెకు ముట్టజెప్పబోతున్నారంట. ఇది తమన్నా ఒక సినిమాకు తీసుకునే రెమ్యునరేషన్ కన్నా డబుల్. ఇందులో నిజానిజాల సంగతి ఏమోగానీ, మొన్న గాలి జనార్దన్ వారింట పెళ్లిలో స్టెప్పులకు మాత్రం మిల్కీ అండ్ రకుల్ కి భారీగానే ముట్టజెప్పినట్లు ఐటీ వర్గాలు అనుమానిస్తున్నాయి.