ఆఖరికి ఎన్టీఆర్ అలా ఫిక్సయ్యాడా?

Posted: 10/26/2016 04:15 PM IST

కెరీర్ లోనే ఇంతవరకు రుచి చూడని బ్లాక్ బస్టర్ టేస్ట్ ను జనతా గ్యారేజ్ తో అందుకున్నాడు జూనియర్ ఎన్టీఆర్. అంత పెద్ద హిట్ పడ్డాక, తర్వాతి చిత్రం కూడా భారీగానే ఉండాలనే ఫ్లాన్ చేసుకుంటున్నాడు. స్టార్ డమ్ లో మరో మెట్టు ఎక్కాలన్నా, టాప్ రేసులోకి ఎంటర్ కావాలన్న జూనియర్ కి ఖచ్ఛితంగా మరో హిట్ అవసరం. మరి అలాంటి కథ అందించేది ఎవరన్నా దాంట్లో ఇప్పటిదాకా ఐతే గ్యారెంటీ లేదు.

ముందు వక్కంతం వంశీని లైన్ లో పెట్టి, స్టోరీ లైన్ నచ్చకపోవటంతో టోటల్ గా అతడినే సైడ్ చేసేశాడు తారక్. ఆ తర్వాత పూరీతో రాసుకుని పూసుకుని తిరిగి, స్టోరీ డిస్కషన్లు కూడా చేయటంతో అతనితోనే అనుకున్నారు. కానీ, ఇజం రిజల్ట్ తో ఎన్టీఆర్ పూరీ ఫోన్ కూడా లిప్ట్ చేయని పరిస్థితికి వచ్చేశాడంట. ఇంతకు ముందు అనిల్ రావిపూడి పేరు తెరపైకి వచ్చినప్పటికీ, కొత్త వాడు కావటంతో అంత సీన్ ఇవ్వడని తేల్చేశారు. అటు తిరిగి ఇటు తిరిగి ఇప్పుడు ఫైనల్ గా ఓ పేరు మాత్రం తెల్చేశారు.

ప్రేమమ్ తో మ్యాజిక్ హిట్ అందుకున్న చందూ మొండేటి డైరక్షన్ లో ఎన్టీఆర్ నటించబోతున్నాడన్న వార్త ఇప్పుడు వినిపిస్తోంది. కార్తీకేయ, ప్రేమమ్ రెండింటిలో చందూ టేకింగ్ అద్భుతంగా ఉండటం, పైగా అతను చెప్పిన స్టోరీ లైన్ నచ్చటంతో యంగ్ టైగర్ అతని వైపు మొగ్గు చూపుతున్నట్లు తెలుస్తోంది. అయితే త్రివిక్రమ్ డైరక్షన్ లో నటించాలని ఎన్టీఆర్ ప్రయత్నాలు ఫలించకపోతే అప్పుడు చందూకి ఛాన్స్ ఇవ్వాలన్న థాట్ లో ఉన్నాడంట. అంటే పవన్ దేవుడే దిగి వచ్చినా! ప్రాజెక్ట్ పైనే చందూ లక్ ఆధారపడి ఉంటుందన్న మాట.