సమంతను మూసుకోమని వార్నింగ్ ఇచ్చాడా?

Posted: 07/28/2016 09:44 AM IST

కొత్త సినిమాలకు సైన్ చేయకుండా కేవలం ట్విట్టర్ లోనే ప్రేమ, పెళ్లి ట్వీట్లతో కాలం గడిపేస్తుంది నటి సమంత. తానో ప్రముఖ హీరోని పెళ్లి చేసుకోబోతున్నానని, అదెవరో మీకూ తెలుసంటూ చెప్పి చెప్పకుండా అదెవరో చెప్పేసింది. అంతేనా... ఈ విషయంలో అభిమానులతో సరదాగా చాటింగ్ గేమ్ ఆడుతోంది. అయితే అసలు ఈ వ్యవహారమంతా మీడియాకు ఎక్కడానికి కారణం సమంత అతి అని అందరికీ తెలిసిందే.

దీంతో ఇకనైనా కామ్ గా ఉండాలని నాగార్జున సమంతకు వార్నింగ్ ఇచ్చాడంట. పెళ్లి వ్యవహారంపై సోషల్ మీడియాలో ఎడాపెడా పోస్టులు పెట్టడం ఆపేయాలని పెద్ద క్లాసే పీకినట్టు సమాచారం. సమంత, నాగచైతన్యల వివాహంపై దాదాపు రెండు, మూడు నెలలుగా సోషల్ మీడియాలో విపరీతంగా చర్చ జరుగుతున్న సంగతి తెలిసిందే. అయితే ఈ విషయాలన్నీ బయటకు రావడానికి సమంతనే కారణమని భావిస్తున్న నాగార్జున.. ఇక ఈ హంగామాకు ఇక్కడితో పుల్‌స్టాప్ పెట్టాలని భావించారట.

‘చాలు. ఒప్పుకున్నాం కదా! ఇక పెళ్లి గురించి ఎక్కడా మాట్లాడకు. ఈ విషయంలో ట్వీట్లకు ఎంత దూరంగా ఉంటే అంత మంచిది. పెళ్లి వ్యవహారాన్ని మీడియా హల్‌చల్ చేస్తోంది. ఇప్పటికైనా ఈ విషయాలను ఫ్యాన్స్‌తో పంచుకోవడం మానేస్తే మంచిది. ఇక్కడితో ఈ హంగామా ఆపెయ్. సమయం వచ్చినప్పుడు మీడియాకు మేమే చెబుతాం’ అంటూ గట్టిగానే మందలించినట్లు తెలుస్తోంది.