అప్పుడు బాలయ్య...ఇప్పుడు పవన్..!

Posted: 06/11/2016 10:57 AM IST

హీరో నాని వరుస సక్సెస్ లతో మంచి జోరుమీదున్నాడు. ప్రస్తుతం ఇంద్రగంటి మోహనకృష్ణ డైరెక్షన్ లో జెంటిల్ మెన్ గా ప్రేక్షకుల ముందుకు రానున్నాడు. అయితే, ఈ సినిమాలో నాని పవర్ స్టార్ ఫ్యాన్ గా నటించబోతున్నట్లు సమాచారం తెలుస్తోంది.

టాలీవుడ్ లో స్టార్ హీరోల‌ను ఎలా వాడుకోవాలో నానికి తెలిసిన‌ట్లుగా మ‌రే హీరోకు తెలియ‌దు. గతంలో వ‌చ్చిన 'కృష్ణగాడి వీర ప్రేమ‌గాథ‌' సినిమాలో బాల‌కృష్ణ అభిమానిగా న‌టించాడు నాని. ఆ సినిమా విజ‌యంలో బాల‌య్య అభిమానుల‌దే కీల‌క‌పాత్ర‌.

'జై బాల‌య్య' టాటూతో నాని చేసిన హడావుడికి తొలిరోజే బాల‌య్య ఫ్యాన్స్ పండ‌గ చేసుకున్నారు. ఆ సినిమాకి మంచి పాజిటివ్ టాక్ కూడా స్ప్రెడ్ చేశారు. అప్పుడు బాలయ్యబాబుని న‌మ్ముకుని బాగానే వ‌ర్కవుట్ చేసుకున్న నాని ఇప్పుడు ప‌వ‌న్ క‌ళ్యాణ్ ను ప‌ట్టుకుంటున్నాడు.

జెంటిల్ మెన్ సినిమాలో నానికి జోడీగా సుర‌భి, నివేదా థామ‌స్ హీరోయిన్స్ గా న‌టిస్తున్నారు. మ‌ణిశ‌ర్మ   ఈ సినిమాకి సంగీత దర్శకుడు. హీరోనా ? విల‌నా ? అనే కొత్త కాన్సెప్ట్ తో ఈ చిత్రాన్ని తెర‌కెక్కించాడు ఇంద్రగంటి మోహనకృష్ణ. ఇక ఇందులో మ‌రో విశేషం ఏంటంటే, నాని ఈ సినిమాలో ప‌వ‌ర్ స్టార్ కు ఫ్యాన్ గా క‌నిపించ‌డం. అప్పుడు బాలయ్య బాబుని, ఫ్యాన్స్ ని వాడుకుని మంచిహిట్ కొట్టిన నాని, ఇప్పుడు పవర్ స్టార్ ని , పవర్ స్టార్ ఫ్యాన్స్ కీ గేలం వేశాడు. మరి ఈ సినిమా నానికి హిట్ ఇస్తుందా లేదా అనేది చూడాలి.  
 
- మూర్తి