ఆ క్యారెక్టర్ లో కాసేపు...!

Posted: 06/01/2016 10:56 AM IST

టాలీవుడ్ ప్రిన్స్ ప్రస్తుతం ఫారిన్ టూర్ ఎంజాయ్ చేస్తున్నాడు. ఫారిన్ నుంచి వచ్చాక డైరెక్టర్ మురుగదాస్ తో చేస్తున్న సినిమాలో రెగ్యులర్ షూటింగ్ లో పాల్గొనే అవకాశాలు కనిపిస్తున్నాయి. అయితే, ఇటీవలే దర్శకుడు వంశీ పైడిపల్లి చెప్పిన స్టోరీని ఓకే చేసిన మహేష్ ఆ సినిమాలో తన క్యారెక్టర్ విని చాలా ఇంప్రెస్ అయ్యాడట. ఊపిరి సినిమాతో మంచి హిట్ కొట్టిన వంశీ పైడిపల్లి మహేష్ కి ఒక కొత్త క్యారెక్టర్ ని వినిపించాడట.

ఆ క్యారెక్టర్ ఏంటా అని ఆరాతీస్తే, కథలో భాగంగా మహేష్ బాబు బ్లైండ్ క్యారెక్టర్ లో సినిమాలో కాసేపు కనిపించబోతున్నాడని ఫిలిం నగర్ లో టాక్ మొదలైంది. చూపు పోయిన గుడ్డివాడి క్యారెక్టర్ లో సినిమాలో కనిపిస్తున్నాడని, ఊపిరి సినిమాలో నాగార్జున వీల్ ఛైర్ లో చూపిస్తే, మహేష్ బాబుని వంశీ పైడిపల్లి  ఇలా చూపిస్తున్నాడని చెప్పుకుంటున్నారు.

అయితే, ఈ సినిమా పూరీజగన్నాథ్ తో జనగణమన సినిమా కంటే ముందే పట్టాలెక్కే అవకాశముందని, దీనికి కూడ పివిపి సంస్దే ప్రొడ్యూసర్ గా వ్యవహరిస్తోందని టాక్ వినిపిస్తోంది.

ఏది ఏమైనా వంశీ పైడిపల్లి పై మహేష్ ఎంతో నమ్మకముంచాడని, అతను చెప్పిన కథే మహేష్ ని బాగా ఇంప్రెస్ చేసిందని, లేదంటే మహేష్ బాబు అంత తేలికగా సినిమా ఒప్పుకోడని చెప్తున్నారు సినీ విశ్లేషకులు.