‘బ్రహ్మోత్సవం’కు ఆ భయంతోనేనా?

Posted: 05/06/2016 12:17 PM IST

శ్రీకాంత్ అడ్డాల దర్శకత్వంలో సూపర్ స్టార్ మహేష్ బాబు, సమంత, కాజల్, ప్రణీత హీరోహీరోయిన్లుగా నటిస్తున్న ‘బ్రహ్మోత్సవం’ చిత్రం విడుదలకు సిద్ధమవుతోంది. భారీ బడ్జెట్ తో పివిపి బ్యానర్ పై పరల్.వి.పోట్లూరి నిర్మిస్తున్న ఈ సినిమాకు మిక్కీ.జే.మేయర్ సంగీతం అందిస్తున్నారు.

ఈమధ్య వస్తున్న సినిమాలన్నీ కూడా ఎక్కువ రన్ టైం వుండటం వల్ల సరిగ్గా ఆడటం లేనందువల్ల... ‘బ్రహ్మోత్సవం’ చిత్ర యూనిట్ పలు జాగ్రత్తలు తీసుకుంటున్నారు. ‘బ్రహ్మోత్సవం’ చిత్రం పూర్తిగా 2 గంటల 35 నిమిషాల నిడివి వుండేలా ఎడిటింగ్ చేసారు. కానీ రన్ టైం ఎక్కువైతే ప్రేక్షకులు బోర్ ఫీల్ అవుతారనే ఉద్దేశ్యంతో 15నిమిషాలు రన్ టైం కట్ చేసి, 2 గంటల 20 నిమిషాల రన్ టైం కు ఎడిటింగ్ చేసినట్లుగా తెలిసింది.

ఇందులో మొత్తం 9 పాటలు వుండగా... రెండు పాటలను కట్ చేసి, స్ర్కీన్ ప్లే ను మరింత పర్ఫెక్ట్ గా ఎడిటింగ్ చేయించినట్లుగా తెలిసింది. రన్ టైం తగ్గడం వల్ల ప్రేక్షకుల కూడా బోర్ ఫీల్ అవ్వకుండా వుంటారని చిత్ర యూనిట్ భావిస్తున్నారు. ఇక ఈ సినిమా పాటలు రేపు అభిమానుల సమక్షంలో విడుదల కానున్నాయి. త్వరలోనే విడుదల తేదిని ప్రకటించనున్నారు.