ప్రీ బిజినెస్ లో అదరగొడుతున్న ‘సుప్రీం’

Posted: 04/04/2016 03:15 PM IST

సుప్రీం హీరోగా పేరు తెచ్చుకున్న సాయిధరమ్ తేజ వరుస సినిమాలతో బిజీగా వున్నాడు. ‘పిల్లా నువ్వులేని జీవితం’, ‘సుబ్రమణ్యం ఫర్ సేల్’ వంటి వరుస హిట్ చిత్రాలతో మంచి జోష్ మీదున్న సాయిధరమ్ తేజకు భారీ డిమాండ్ ఏర్పడింది. దీంతో వరుస సినిమాలను లైన్లో పెట్టి, బిజీ హీరోగా మారిపోయాడు.

ప్రస్తుతం సాయిధరమ్ తేజ నటిస్తున్న తాజా చిత్రం ‘సుప్రీం’. ‘పటాస్’ ఫేం అనిల్ రావిపూడి దర్శకత్వంలో రూపొందుతున్న ఈ చిత్రాన్ని శ్రీ వెంకటేశ్వర క్రియేషన్స్ బ్యానర్ పై నిర్మాత దిల్ రాజు నిర్మిస్తున్నాడు. ఈ చిత్రం ట్రైలర్ విడుదల కాకముందే బిజినెస్ స్టార్ అయ్యింది. ఈ సినిమా ప్రీ రిలీజ్ బిజినెస్ లో భాగంగా... గుంటూరు ఏరియాలో ‘సుప్రీం’ చిత్రాన్ని 2.10 కోట్లకు అమ్మేసినట్లుగా సమాచారం.

మాములుగా స్టార్ హీరోలకే ఇలాంటి రేట్ వస్తుంది. కానీ సాయిధరమ్ తేజకు నాల్గవ చిత్రానికే రావడంతో... స్టార్ హీరోల జాబితాలో చేరిపోయాడు. ఇక ఇప్పటికే విడుదలైన ‘సుప్రీం’ టీజర్ కు మంచి రెస్పాన్స్ వచ్చింది. ఇందులో రాశిఖన్నా హీరోయిన్ గా నటిస్తుంది. ఈ చిత్రం త్వరలోనే ప్రేక్షకుల ముందుకు రానుంది.

అలాగే సునీల్ రెడ్డి దర్శకత్వంలో సాయిధరమ్ తేజ హీరోగా ‘తిక్క’ అనే చిత్రం తెరకెక్కుతోంది. అలాగే గోపిచంద్ మలినేని దర్శకత్వంలో మరో చిత్రం రూపొందనుంది. మొత్తానికి వరుస చిత్రాలతో తేజు బిజీగా వున్నాడు.

- Sandy