తిరుపతిలో ‘బ్రహ్మోత్సవం’ ఆడియో ?

Posted: 03/28/2016 05:24 PM IST

టాలీవుడ్ సూపర్ స్టార్ మహేష్ బాబు హీరోగా నటిస్తున్న ‘బ్రహ్మోత్సవం’ షూటింగ్ ఇటీవలే పూర్తిచేసుకున్న విషయం తెలిసిందే. ‘సీతమ్మ వాకిట్లో సిరిమల్లె చెట్టు’ తర్వాత దర్శకుడు శ్రీకాంత్ అడ్డాల-మహేష్ బాబుల కాంబినేషన్లో వస్తున్న ‘బ్రహ్మోత్సవం’ చిత్రంపై భారీ అంచనాలే నెలకొన్నాయి. ఈ చిత్రానికి మిక్కీ.జే.మేయర్ సంగీతం అందిస్తున్నాడు.

ఇటీవలే విడుదలైన ఫస్ట్ లుక్ టీజర్ కు మంచి రెస్పాన్స్ వచ్చింది. ఈ చిత్ర ఆడియో విడుదలకు ముహూర్తం ఫిక్స్ చేసినట్లుగా తెలుస్తోంది. వచ్చే నెల ఏప్రిల్ 24న తిరుపతిలో ‘బ్రహ్మోత్సవం’ ఆడియోను విడుదల చేయడానికి చిత్ర యూనిట్ నిర్ణయించినట్లుగా తెలుస్తోంది. మరికొద్ది రోజుల్లోనే అన్ని వివరాలను అధికారికంగా ప్రకటించనున్నారు.

భారీ బడ్జెట్ తో పివిపి బ్యానర్ పై ప్రసాద్.పోట్లూరి నిర్మిస్తున్నారు. పూర్తిస్థాయి ఫ్యామిలీ ఎంటర్ టైనర్ గా రూపొందుతున్న ఈ చిత్రంలో మహేష్ సరసన సమంత, కాజల్, ప్రణీత హీరోయిన్లుగా నటిస్తున్నారు. త్వరలోనే ప్రపంచ వ్యాప్తంగా, గ్రాండ్ గా విడుదల చేయడానికి సన్నాహాలు చేస్తున్నారు.