చెర్రీ కోసం విలన్ గా మారనున్న మన్మథుడు

Posted: 09/30/2015 01:04 PM IST

Akkineni nagarjuna nagative role thani oruvan remake movie aravind swamy ram charan

టాలీవుడ్ మన్మథుడిగా పేరుగాంచిన అక్కినేని నాగార్జున ఇప్పుడు విలన్ గా అవతారమెత్తనున్నాడని సమాచారం. రామ్ చరణ్ హీరోగా నటించబోయే నెక్ట్స్ మూవీలో నాగ్ ఈ కీలకమైన రోల్ చేయనున్నాడని ఓ వార్త షికారు చేస్తోంది. ప్రస్తుతం ఇదే ఇండస్ట్రీలో హాట్ టాపిక్ గా మారింది. ‘బ్రూస్ లీ’ తర్వాత చరణ్ చేయనున్న ‘తని ఒరువన్’ రీమేక్ చిత్రంలో నాగ్ నెగిటివ్ రోల్ లో నటించేందుకు గ్రీన్ సిగ్నల్ ఇచ్చినట్లు ఫిల్మ్ నగర్లో చెప్పుకుంటున్నారు.

తమిళంలో తెరకెక్కిన ‘తని ఒరువన్’ చిత్రం భారీ విజయం నమోదు చేసుకుంది. దీంతో ఈ చిత్రాన్ని తెలుగులో రీమేక్ చేయాలని యోచిస్తున్నారు. ఇప్పటికే ఈ రీమేక్ చిత్రంలో రామ్ చరణ్ హీరోగా నటించనున్నట్లు తెలిసింది. ఇక విలన్ పాత్రకోసం పరిశీలించగా.. అందుకు నాగార్జున సరిగ్గా సరిపోతాడని యూనిట్ భావించిందట. ఎందుకంటే.. తమిళంలో ఈ సినిమాలో ఒకప్పుడు మన్మథుడిగా మార్కులు కొట్టేసిన అరవింద్ స్వామి నెగెటివ్ రోల్ లో నటించి మంచి మార్కులు కొట్టేశాడు. అతనినే తెలుగు రీమేక్ లో తీసుకోవాలని ముందుకు అనుకున్నప్పటికీ.. అరవింద్ అందుకు అంగీకరించలేదు. దీంతో.. అతనిలాగే ఆ పాత్రలో ఒదిగిపోయే విలన్ కోసం గాలించారు. ఈ నేపథ్యంలో ఆ పాత్రలో నాగార్జున సూటవుతాడని భావించిన మూవీ యూనిట్ అతనిని సంప్రదించారట.

తొలుత ఈ ఆఫర్ ని అంగీకరించేందుకు నాగార్జున సుముఖత వ్యక్తం చేయలేదట. కానీ.. సినిమాను చూసిన అనంతరం కథతోపాటు అరవింద్ పోషించిన నెగెటివ్ రోల్ బాగా నచ్చేశాయట. దీంతో వెంటనే నాగ్ ఆ పాత్రలో నటించేందుకు గ్రీన్ సిగ్నల్ ఇచ్చేశాడని చెబుతున్నారు. అయితే.. ఇందుకు సంబంధించి ఇంకా అధికారిక ప్రకటన వెలువడాల్సి వుంది. ఒకవేళ ఇదే నిజమైతే.. అటు మెగా ఫ్యాన్స తో పాటు అక్కినేని అభిమానులకు పండగే!

AS