అల్లు అర్జున్ సినిమాలో శ్రీకాంత్

Posted: 07/27/2015 06:41 PM IST

టాలీవుడ్ హీరో శ్రీకాంత్ ఇప్పటికే మెగాస్టార్ చిరంజీవితో పలు చిత్రాల్లో నటించాడు. ‘శంకర్ దాదా MBBS’, ‘శంకర్ దాదా జిందాబాద్’ వంటి పలు చిత్రాల్లో నటించారు. అలాగే మెగాపవర్ స్టార్ రాంచరణ్ తేజ నటించిన ‘గోవిందుడు అందరివాడేలే’ చిత్రంలో చరణ్ కు బాబాయ్ పాత్రలో నటించాడు శ్రీకాంత్.

చరణ్, శ్రీకాంత్ ల కాంబినేషన్ బాగానే వర్కౌట్ అయ్యింది. అయితే ఈసారి శ్రీకాంత్ స్టైలిష్ స్టార్ అల్లు అర్జున్ తో కలిసి నటించనున్నాడని తెలిసింది. ‘సన్నాఫ్ సత్యమూర్తి’ చిత్రం తర్వాత అల్లు అర్జున్ హీరోగా ప్రముఖ కమర్షియల్ మాస్ చిత్రాల దర్శకుడు బోయపాటి శ్రీను దర్శకత్వంలో ఓ చిత్రం తెరకెక్కనున్న విషయం తెలిసిందే.

ఇందులో శ్రీకాంత్ ఓ ముఖ్య పాత్రలో నటించనున్నాడని తెలిసింది. ఈ సినిమాలోని ఓ ముఖ్య పాత్ర కోసం ఇటీవలే చిత్ర దర్శకులు శ్రీకాంత్ ను కలిసి ఈ చిత్ర కథ వినిపించాడట. స్టోరీ బాగా నచ్చడంతో శ్రీకాంత్ కూడా ఈ ప్రాజెక్టుకు గ్రీన్ సిగ్నల్ ఇచ్చాడని తెలిసింది. అలాగే ఈ సినిమాలో తమిళ నటుడు ఆది పినిశెట్టి ఓ ముఖ్య పాత్రలో నటిస్తున్నట్లుగా తెలిసింది.

ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు. గీతా ఆర్ట్స్ బ్యానర్‌పై అల్లు అరవింద్ నిర్మించనున్న ఈ చిత్రంలో బన్నీ సరసన రకూల్ ప్రీత్ సింగ్ హీరోయిన్ గా నటించనుంది. కమర్షియల్ మాస్ యాక్షన్ ఫ్యామిలీ ఎంటర్ టైనర్ గా రూపొందనున్న ఈ ప్రాజెక్ట్ త్వరలోనే సెట్స్ పైకి వెళ్లనుంది.