పీటర్ హెయిన్స్ నేతృత్వంలో ఎన్టీఆర్ యాక్షన్

Posted: 06/29/2015 05:27 PM IST

‘టెంపర్’ సినిమాతో యంగ్ టైగర్ ఎన్టీఆర్ ఈ ఏడాది భారీ హిట్టును దక్కించుకున్నాడు. ‘టెంపర్’ సినిమా భారీ విజయం సాధించడంతో ఎన్టీఆర్ తన తదుపరి సినిమాపై చాలా జాగ్రత్తగా నిర్ణయాలు తీసుకుంటున్నాడు. ‘టెంపర్’ తర్వాత ఎన్టీఆర్ హీరోగా ప్రముఖ దర్శకుడు సుకుమార్ దర్శకత్వంలో ఓ చిత్రం తెరకెక్కనున్న విషయం తెలిసిందే.

ఈ చిత్ర ప్రీ ప్రొడక్షన్ పనులు పూర్తయ్యాయి. ఈ చిత్ర రెగ్యులర్ షూటింగ్ జులై నెల మొదటి వారం నుంచి లండన్ లో ప్రారంభం కానుంది. జులై 6 నుంచి షూటింగ్ ప్రారంభం కానుందని తెలిసిందే. ఇందులో ఫస్ట్ షెడ్యూల్ లో భాగంగా ప్రముఖ స్టంట్ కొరియోగ్రాఫర్ పీటర్ హెయిన్స్ నేతృత్వంలో ఎన్టీఆర్ పై ఓ భారీ యాక్షన్ ఎపిసోడ్ ను చిత్రీకరించనున్నారని తెలిసింది.

ఎస్.వి.సి.సి. బ్యానర్ పై ప్రముఖ నిర్మాత బివిఎస్ఎన్ ప్రసాద్ నిర్మిస్తున్నారు. దేవిశ్రీప్రసాద్ సంగీతం అందిస్తున్నాడు. ఇందులో ఎన్టీఆర్ సరసన రకూల్ ప్రీత్ సింగ్ హీరోయిన్ గా నటించబోతుంది. జగపతిబాబు, రాజేంద్రప్రసాద్ లు ముఖ్య పాత్రలలో నటించనున్నారు. ఈ చిత్రానికి ‘నాన్నక... ప్రేమతో.’ అనే టైటిల్ ను పరిశీలిస్తున్నారు. ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.