తమిళ ఎలుకనే నమ్ముకున్న హీరోయిన్ సదా

Posted: 05/16/2015 03:40 PM IST

తెలుగులో ‘జయం’ సినిమాతో వెండితెరకు హీరోయిన్ గా పరిచయమైన సదాకు ప్రస్తుతం టాలీవుడ్ లో అవకాశాలు కరువయ్యాయి. జయం సినిమా తర్వాత ఈ అమ్మడికి ఏవో చిన్న చిన్న సినిమాల్లో అవకాశాలు వచ్చినప్పటికీ అంతగా విజయాలు రాలేవు. సరైన అవకాశాలు కూడా రాలేవు. ఆ తర్వాత వచ్చిన ‘అపరిచితుడు’ వంటి బ్లాక్ బస్టర్ హిట్ చిత్రంలో నటించినప్పటికీ మళ్లీ ఆ రేంజులో సరైన అవకాశాలను దక్కించుకోలేకపోయింది. అవకాశాలు రాకపోవడంతో గ్లామర్ డోస్ ను బాగానే పెంచేసింది.

అందాల ప్రదర్శన చేస్తూ, బికినీలు వేసిన, లిప్ లాక్ సన్నీవేశాలలో నటించినా కూడా ఈ అమ్మడికి సరైన అవకాశాలు దక్కలేదు. దీంతో ఇక సినిమాల్లో అవకాశాలు డొల్లే అని నిర్ణయించుకొని ఏ అవకాశం వస్తే దానిని ఒప్పేసుకుంటుంది. తాజాగా ఈ అమ్మడు టీవి షోలకు న్యాయనిర్ణేతగా వ్యవహరిస్తుంది. ఇలా ఎంత చేసినా కూడా సినిమాల్లో అవకాశాలు రావట్లేదని భావించిన ఈ అమ్మడు ఇటీవలే ఓ హాట్ ఫోటో షూట్ లో తన ఎదఅందాలను తెగ ఎక్స్ పోజ్ చేసింది.

అయితే ఈ అమ్మడి అందాలకు కుర్రహీరోలు కరుణించట్లేదులే కానీ.. తమిళ కమెడియన్ మాత్రం ఫ్లాట్ అయ్యాడు. తమిళ సినీయర్ కమెడియన్ వడివేలు తాజాగా నటిస్తున్న చిత్రం ‘ఏలి’. ఇందులో వడివేలు పాత్ర ఎలుక వలే చాలా కామెడీగా, గోలగోలగా వుంటుందట. ఈ చిత్రంలో సదా ఓ కీలక పాత్రలో నటించింది. ఇందులో వడివేలుతో కలిసి ఓ హాట్ సాంగ్ లో కూడా నటించింది. త్వరలోనే ఈ చిత్రం ప్రేక్షకుల ముందుకు రానుంది. ప్రస్తుతం సదా ఆశలన్నీ కూడా ఈ సినిమాపైనే పెట్టుకుంది. ఈ సినిమా హిట్టయితే తనకు మరిన్ని అవకాశాలు వస్తాయని ఎంతో ఆశతో ఎదురుచూస్తుందట.