అక్కడ వేలు పెట్టింది.. ఖాతాలో చేర్చుకుంది!

Posted: 04/25/2015 05:02 PM IST

Catherine tresa movie offer vishnu vishal veera dheera sooran tamil industry

‘ఛమ్మక్ ఛల్లో’ సినిమాతో టాలీవుడ్ లో చమక్కుమన్న కేథరిన్ ట్రెసా.. ఆ వెంటనే స్టైలిష్ స్టార్ అల్లు అర్జున సరసన ‘ఇద్దరమ్మాయిలతో’ నటించే బంపరాఫర్ దక్కించుకుంది. ఆ సినిమాలో తన అందంతోపాటు నటనతోనూ ప్రేక్షకుల్ని ఆకట్టుకుంది. రెండో సినిమాలోనే తన టాలెంట్ ఏంతో నిరూపించుకుని మంచి మార్కులు కొట్టేసింది. అయితే.. అవన్నీ కేవలం ఆ సినిమావరకే పరిమితమయ్యాయి. ఆ మూవీ తర్వాత నటించిన సినిమాలన్నీ ఫెయిలయ్యాయి. దీంతో అవకాశాలకోసం ప్రయత్నించగా.. ‘రుద్రమదేవి’ చిత్రంలో ఓ గెస్ట్ రోల్ పాత్రలో నటించే ఛాన్స్ దక్కించుకుంది. ఇక ఈ క్రమంలోనే ఈ అమ్మడికి తాజాగా తమిళంలో ఓ మంచి ఆఫర్ ఈమెని వరించినట్లు సమాచారం!

తెలుగులో అవకాశాలు లేని నేపథ్యంలో కేథరిన్ తమిళంలో ఇతర ఇండస్ట్రీలో ఆఫర్ల కోసం ప్రయత్నాలు ముమ్మరం చేసింది. ఈ క్రమంలోనే ఈ భామకి తమిళనాట నుంచి పిలుపువచ్చింది. విష్ణువిశాల్ హీరోగా నటించే ‘వీర ధీర శూరన్’ అనే చిత్రంలో కేథరిన్ కథానాయికగా ఎంపికైనట్లు సమాచారం! ఈ మూవీకోసం ఇతర హీరోయిన్లను పరిశీలించారు కానీ.. మూవీలోని క్యారెక్టర్ కి కేథరిన్ బాగా సూటవుతుందని ఈమెనే తీసుకున్నట్లు తెలిసింది. ఇక ఈ చిత్రానికి మొదట సుశీంద్రన్ దర్శకత్వం వహిస్తాడని వార్తలు వచ్చాయి కానీ.. ఇప్పుడు ఆయన స్థానంలో శంకర్ దయాళ్ దర్శకత్వ బాధ్యతలు చేపట్టాడు. త్వరలోనే ఈ మూవీకి సంబంధించిన మరిన్ని వివరాలు వెలువడనున్నాయి.

ఇదిలావుండగా.. తనకు ఈ తమిళ మూవీలో కథానాయికగా నటించే ఆఫర్ వరించినందుకు అమ్మడు సంతోషం వ్యక్తం చేస్తోంది. అవకాశాలు లేని క్రమంలోనే వచ్చిన ఈ ఆఫర్ తో అమ్మడు చాలా ఎగ్జైట్ అవుతున్నట్లు సన్నిహిత వర్గాలు పేర్కొంటున్నాయి. ఈ మూవీ ద్వారా తమిళంలో మరిన్ని అవకాశాలు వచ్చే ఛాన్స్ వుందని కేథరిన్ ఆశాభావం వ్యక్తం చేసినట్లు చెబుతున్నారు. మరి.. ఈ మూవీ ఈ అమ్మడి కెరీర్ కి ఎంతవరకు హెల్ప్ అవుతుందో వేచి చూడాల్సిందే!