పులి ఆఫర్ దక్కించుకున్న గీతాంజలి

Posted: 04/14/2015 11:44 AM IST

‘గీతాంజలి’ సినిమా తర్వాత అంజలి అసలు కనిపించడమే మానేసింది. తెలుగులో ఈ అమ్మడికి అంతంత మాత్రంగానే వున్నట్లుగా సమాచారం. బాలయ్య నటించబోయే 99వ చిత్రంలో అంజలికి సెకండ్ హీరోయిన్ గా ఆఫర్ వచ్చినట్లుగా సమాచారం. కానీ ఈ విషయాలపై చిత్ర యూనిట్ ఇంకా ఎలాంటి క్లారిటీ ఇవ్వలేదు.

అయితే తాజాగా మరో భారీ ఆఫర్ ను సొంతం చేసుకున్నట్లుగా తెలుస్తోంది. తమిళ స్టార్ హీరో విజయ్ నటిస్తున్న భారీ బడ్జెట్ చిత్రం ‘పులి’. చింబు దేవన్ దర్శకత్వంలో తెరకెక్కుతున్న ఈ చిత్రంలో శృతిహాసన్, హన్సిక హీరోయిన్లుగా నటిస్తున్నారు. కన్నడ స్టార్ సుధీప్, నటి శ్రీదేవి కీలక పాత్రల్లో నటిస్తున్నారు.

ఈ సినిమాలో ఓ కీలక పాత్ర కోసం చిత్ర యూనిట్ అంజలిని సంప్రదించినట్లుగా సమాచారం. సినిమాకు ఆ పాత్ర కూడా చాలా కీలకం అని భావించిన అంజలి... వెంటనే గ్రీన్ సిగ్నల్ ఇచ్చినట్లుగా సమాచారం. త్వరలోనే ఈ విషయాన్ని చిత్ర యూనిట్ అధికారికంగా ప్రకటించనున్నారు.

ప్రస్తుతం ఓ భారీ విలేజ్ సెట్ లో ఈ చిత్ర షూటింగ్ జరుగుతోంది. దేవిశ్రీప్రసాద్ సంగీతం అందిస్తున్న ఈ చిత్రాన్ని శింబు, సెల్వకుమార్ సంయుక్తంగా నిర్మిస్తున్నారు. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.