కొత్త రంగానికి అంతా కొత్తవారితో సన్నాహాలు

Posted: 04/14/2015 11:11 AM IST

తమిళంలో కె.వి.ఆనంద్ దర్శకత్వంలో నటుడు జీవా, కార్తీక జంటగా నటించిన ‘కో’ చిత్రం ఘన విజయం సాధించింది. ఇదే చిత్రంలో తెలుగులో ‘రంగం’ పేరుతో విడుదలయ్య, భారీ హిట్ ను సొంతం చేసుకుంది. ఈ చిత్రానికి హారీస్ జయరాజ్ సంగీతం అందించారు.

ఈ చిత్రంతో జీవా, కార్తీకలకు మంచి గుర్తింపు లభించింది. అయితే ప్రస్తుతం ఈ చిత్రానికి సీక్వెల్ తెరకెక్కనుంది. ఈ సీక్వెల్ లో అందరూ కొత్తవారు వుండేలా చిత్ర యూనిట్ సన్నాహాలు చేస్తున్నారు. ఈ సీక్వెల్ లో తమిళ నటుడు బాబీ సింహ, నిక్కీ గల్రానీలు జంటగా నటించనున్నారు.

ఈ సీక్వెల్ కు కె.వి.ఆనంద్ కు బదులుగా శరత్ మాండవ దర్శకత్వం వహించబోతున్నట్లుగా సమాచారం. ఈ చిత్రాన్ని ఎల్రెడ్ కుమార్ నిర్మించనున్నారు. ఈ చిత్రానికి సంబంధించిన అన్ని వివరాలు త్వరలోనే అధికారికంగా ప్రకటించనున్నారు.