సూర్య భామతో జోడి కట్టనున్న అల్లు శిరీష్

Posted: 04/13/2015 12:41 PM IST

Tridha choudhury pair up with allu sirish

‘గౌరవం’ చిత్రంతో తెలుగు సినిమాల్లోకి హీరోగా ఎంట్రీ ఇచ్చిన అల్లు శిరీష్ త్వరలోనే మరో సినిమాతో రాబోతున్నాడు. ‘గౌరవం’ సినిమా అట్టర్ ఫ్లాప్ కావడంతో కాస్త సైలెంట్ అయ్యాడు. ఆ తర్వాత నటించిన ‘కొత్తజంట’ కూడా అనుకున్న స్థాయిలో విజయం సాధించలేకపోయినా.. కామెడీ ఎంటర్ టైనర్ గా కాస్త పాజిటివ్ టాక్ ను తెచ్చుకుంది.

దీంతో వరుసగా ఫ్లాపులు రావడంతో.. తన తదుపరి చిత్రాన్ని సెట్స్ పైకి తీసుకెళ్లడానికి చాలా కష్టపడుతున్నాడు. ఈసారి వస్తే.. ఓ హిట్టు కొట్టాల్సిందేననే విధంగా కసితో వున్నాడు శిరీష్. శిరీష్ తన మూడవ చిత్రం కోసం భారీగా కసరత్తులు చేస్తున్నాడు. త్వరలోనే పరుశురాం దర్శకత్వంలో శిరీష్ హీరోగా ఓ చిత్రం తెరకెక్కనుంది.

‘యువత’, ‘ఆంజనేయులు’, ‘సోలో’ వంటి చిత్రాలతో దర్శకుడిగా మంచి పేరు సంపాదించుకున్న దర్శకుడు పరుశురాం దర్శకత్వంలో శిరీష్ ఓ చిత్రం చేయనున్నాడు. ఇటీవలే పరుశురాం చెప్పిన ఓ కథ శిరీష్ కు నచ్చడంతో... వెంటనే గ్రీన్ సిగ్నల్ ఇచ్చినట్లుగా తెలిసింది. ప్రస్తుతం ప్రీ ప్రొడక్షన్ పనులు కూడా చివరి దశకు చేరుకున్నట్లుగా సమచారం.

అయితే ఈ సినిమాలో హీరోయిన్ గా త్రిథా చౌదరిని ఎంపిక చేసుకున్నట్లుగా సమాచారం. ఇటీవలే ‘సూర్య vs సూర్య’ చిత్రంతో హీరోయిన్ గా ఎంట్రీ ఇచ్చిన త్రిధాను శిరీష్ సరసన జోడిగా ఎంపిక చేసినట్లుగా సమాచారం. గీతా ఆర్ట్స్ బ్యానర్లో ఈ చిత్రాన్ని నిర్మించనున్నారు. త్వరలోనే అన్ని వివరాలు అధికారికంగా ప్రకటించనున్నారు.