అమ్ముడుపోయిన సన్నాఫ్ సత్యమూర్తి శాటిలైట్ రైట్స్

Posted: 04/09/2015 10:30 AM IST

త్రివిక్రమ్ శ్రీనివాస్ దర్శకత్వంలో స్టైలిష్ స్టార్ అల్లు అర్జున్ హీరోగా తెరకెక్కిన చిత్రం ‘సన్నాఫ్ సత్యమూర్తి’. ఈ చిత్రం నేడు ప్రపంచ వ్యాప్తంగా విడుదలయ్యింది. సమంత, నిత్యామీనన్, ఆదాశర్మ హీరోయిన్లుగా నటించారు. హారిక అండ్ హాసిని క్రియేషన్స్ బ్యానర్లో ఎస్.రాధాకృష్ణ నిర్మించిన ఈ చిత్రానికి దేవిశ్రీప్రసాద్ సంగీతం అందించాడు.

ఇటీవలే విడుదలైన ట్రైలర్లు, పాటలకు భారీ రెస్పాన్స్ వస్తోంది. పాటలు దుమ్మురేపుతున్నాయి. త్రివిక్రమ్ శ్రీనివాస్ తనదైన శైలిలో ఈ చిత్రాన్ని ఓ కుటుంబకథా చిత్రంగా రూపొందించారు. థియేటర్ ట్రైలర్ విడుదలైన క్షణం నుంచి ఈ చిత్రానికి పాజిటివ్ టాక్ వస్తోంది.

భారీ అంచనాలతో తెరకెక్కిన ఈ చిత్ర శాటిలైట్ రైట్స్ భారీ ధరకు అమ్ముడుపోయినట్లుగా తెలిసింది. ప్రముఖ టీవి ఛానెల్ ‘స్టార్ మా’(మాటివి) ‘సన్నాఫ్ సత్యమూర్తి’ శాటిలైట్ హక్కులను దాదాపు రూ.8.85 కోట్లు చెల్లించి సొంతం చేసుకున్నట్లుగా సమాచారం.

కమర్షియల్ ఫ్యామిలీ యాక్షన్ ఎంటర్ టైనర్ గా రూపొందిన ఈ చిత్రంలో కన్నడ స్టార్ హీరో ఉపేంద్ర, నటి స్నేహ, రాజేంద్రప్రసాద్, సింధు తులాని, వెన్నెల కిషోర్, బ్రహ్మానందం, రావ్ రమేష్, ఎం.ఎస్.నారాయణ తదితరులు కీలక పాత్రలలో నటించారు.