ఏప్రిల్ 10న నిత్యామీనన్ బంగారం విడుదల

Posted: 03/04/2015 10:50 AM IST

గతంలో మణిరత్నం దర్శకత్వంలో వచ్చిన ‘సఖి’ సినిమా ఇప్పటికీ ఆదరించబడుతోంది. బ్యూటిఫుల్ రొమాంటిక్ లవ్ స్టోరీగా రూపొందిన ‘సఖి’ చిత్రం అప్పట్లో ఘనవిజయం సాధించింది. అయితే తాజాగా అలాంటి తరహాలోనే మణిరత్నం ‘ఓకే బంగారం’ (తమిళంలో ఓకే కణ్మని) అనే చిత్రం తెరకెక్కిస్తున్నాడు.

మణిరత్నం దర్శకత్వంలో దుల్కర్ సల్మాన్, నిత్యా మీనన్ లు హీరోహీరోయిన్లుగా నటిస్తున్న ఈ ‘ఓకే బంగారం’ చిత్రం విడుదలకు సిద్ధమవుతోంది. ఇటీవలే విడుదలైన ఫస్ట్ లుక్ ట్రైలర్ కు భారీ స్పందన వస్తోంది. మణిరత్నం దర్శకత్వంలో వస్తున్న మరో బ్యూటీఫుల్ లవ్ స్టోరీగా అభిమానులు ‘ఓకే బంగారం’పై భారీ అంచనాలు పెట్టుకున్నారు.

ఏఆర్ రెహమాన్ సంగీతం అందిస్తున్న ఈ చిత్ర ఆడియోను ఈనెల చివర్లో విడుదల చేసి, సినిమాను వచ్చే నెల 10వ తేదిన విడుదల చేయడానికి సన్నాహాలు చేస్తున్నారు. ఈ చిత్ర తమిళ డిస్ట్రిబ్యూషన్ హక్కులను స్టూడియో గ్రీన్ సంస్థ సొంతం చేసుకోగా... తెలుగు డిస్ట్రిబ్యూషన్ హక్కులను శ్రీ వెంకటేశ్వర క్రియేషన్స్ సంస్థ సొంతం చేసుకుంది.