పవన్ తో దాసరికి, మెగాఫ్యామిలీకి విభేదాలకు తెర!

Posted: 02/24/2015 10:10 AM IST

Pawan kalyan dasari narayana rao combination movie tarakaprabhu films production tollywood gossips

గతకొన్నికాలాల నుంచి దాసరి, మెగాఫ్యామిలీకి మధ్య పచ్చగడ్డి వేస్తే భగ్గుమనేంత శత్రుత్వం వుండేది. ముఖ్యంగా దాసరి నిత్యం మెగాఫ్యామిలీని టార్గెట్ చేస్తూ సంచలన వ్యాఖ్యానాలు సంధించేవారు. అందుకు తగ్గట్టుగానే మెగాకుటుంబసభ్యుల్లో ఎవరో ఒకరు స్పందించేవారు. ఇలా వీరిమధ్య మాటలయుద్ధం కొనసాగుతూనే వచ్చింది. అయితే.. తాజా పరిణామాలను గమనిస్తుంటే.. వారిమధ్య విభేదాలకు తెరపడినట్లు తెలుస్తోంది. అందుకు వారధిగా పవన్ తనవంతు పాత్ర పోషించినట్లు వార్తలు వస్తున్నాయి.

ఇప్పుడు ఈ ప్రస్తావన ఎందుకు చర్చించుకోవాల్సి వచ్చిందంటే.. ఎవరూ ఊహించని వార్త ఇప్పుడు టాలీవుడ్ లో చక్కర్లు కొడుతోంది. ఆ వార్త సారాంశమేమిటంటే.. దర్శకరత్న దాసరి నారాయణరావు, పవన్ కళ్యాణ్ కాంబినేషన్ లో త్వరలోనే ఓ మూవీ తెరకెక్కుతోందని తాజా సమాచారం! దాసరి సొంత నిర్మాణ సంస్థ తారకప్రభు ఫిలిమ్స్ లో ఓ సినిమా చేసేందుకు పవన్ కల్యాణ్ అంగీకరించాడు. ఈ విషయాన్ని దాసరి తాజాగా ధ్రువీకరించినట్లు వార్తలు కూడా వస్తున్నాయి. అయితే.. ఈ చిత్రానికి దాసరి కేవలం నిర్మాతగా మాత్రమే వ్యవహరిస్తారని, దర్శకుడు ఎవరన్న విషయం ఇంకా కన్ఫర్మ్ కాలేదనీ అంటున్నారు.

ఇదిలావుండగా.. ఇన్నాళ్లూ ఒకరిపైమరొకరు మాటలతూటాలతో విరుచుకుపడే కుటుంబాలు ఇప్పుడు కలిసి సినిమా తీయడం అందరినీ ఆశ్చర్యానికి గురిచేస్తోంది. మరి.. ఈ విషయంపై మెగాఫ్యామిలీ ఎలా స్పందించనుందో వేచి చూడాలి!