సమంత ఛాన్స్ కొట్టేసిన బస్టాప్ చిన్నది

Posted: 02/19/2015 03:04 PM IST

మలయాళంలో బ్లాక్ బస్టర్ హిట్టయిన ‘బెంగళూర్ డేస్’ చిత్రాన్ని శ్రీవెంకటేశ్వర క్రియేషన్స్, పివిపి బ్యానర్ లు సంయుక్తంగా తెలుగులో రీమేక్ చేయబోతున్న విషయం తెలిసిందే. బొమ్మరిల్లు భాస్కర్ దర్శకత్వం వహించనున్నాడు. ప్రస్తుతం భాస్కర్ ఈ చిత్ర స్క్రిప్టును తెలుగు నేటివిటీకి తగ్గట్లుగా మార్చే పనిలో బిజీగా ఉన్నట్లు తెలిసింది. త్వరలోనే ఈ ప్రాజెక్టు సెట్స్ పైకి వెళ్లనుంది.

ఈ చిత్రానికి తెలుగులో ‘హైదరాబాద్ డేస్’ అని, తమిళంలో ‘చెన్నై డేస్’ అనే టైటిల్ ను ఖరారు చేసారు. నాగచైతన్య, ఆర్య, సిద్ధార్థ్, సమంత, నిత్యామీనన్ లను ఎంపిక చేసారు. అయితే ఈ ప్రాజెక్టు నుంచి సమంత, సిద్ధార్థ్ లు ఈ ప్రాజెక్టు నుంచి తప్పుకున్న విషయం తెలిసిందే. సిద్ధార్థ్ స్థానంలో శర్వానంద్ ను ఎంపిక చేసారు. అయితే తాజాగా సమంత స్థానంలో శ్రీదివ్యను తాజాగా ఎంపిక చేసారు.

బస్ స్టాప్, మనసారా వంటి చిత్రాలతో హీరోయిన్ గా మంచి గుర్తింపు తెచ్చుకున్న శ్రీదివ్యకు ప్రస్తుతం తెలుగులో అవకాశాలు సరిగ్గా రావడం లేదు. కోలీవుడ్ లో వరుస ఆఫర్లు వస్తుండటంతో కోలీవుడ్ కే మకాం మార్చేసింది. కోలీవుడ్ లో ఈ అమ్మడు నటించిన చిత్రాలు వరుసగా ఘనవిజయం సాధిస్తుండటంతో వరుస అవకాశాలు వచ్చిపడుతున్నాయి.

ప్రస్తుతం తమిళంలో వరుస సినిమాలతో శ్రీదివ్య బిజీగా వుంది. తమిళంలోని చిన్న సినిమాలకు స్టార్ హీరోయిన్ గా కొనసాగుతోంది. తమిళంలో ప్రస్తుతం ఈ అమ్మడు నటించిన ‘పెన్సిల్’ సినిమా విడుదలకు సిద్ధమయ్యింది. త్వరలోనే ప్రేక్షకుల ముందుకు రానుంది.

తెలుగులో కూడా శ్రీదివ్య పలు సినిమాల్లో నటించింది. మరి ఈ ‘బెంగళూర్ డేస్’ రీమేక్ లో శ్రీదివ్య ప్రధాన హీరోయిన్ గా నటించనుందని సమాచారం. త్వరలోనే అధికారిక ప్రకటన వెలువడనుంది.