తెగించాడు... బాగా చెడిపోతున్నాడు

Posted: 11/13/2014 11:21 AM IST

ప్రభుదేవా అంటే ఒకప్పటి వారికి మంచి డాన్సర్, హీరో, కొరియోగ్రాఫర్ గా తెలుసు. ఈ తరానికి రీమేక్ సినిమాల హిట్ డైరెక్టర్ గా సుపరిచితుడు. అయితే తాజాగా ప్రభులో కొత్త యాంగిల్ బయటకు వస్తోంది. డాన్స్ నేపథ్యంగా వస్తున్న సీక్వెల్ సినమా ’ఏబీసీడీ2’లో ఆయన నెగెటివ్ రోల్ చేస్తున్నాడని తెలుస్తోంది. మూవీ యూనిట్ వర్గాల సమాచారం ప్రకారం.., డాన్స్ మాస్టర్ పాత్రలో ఉండే ప్రభుదేవాది పూర్తి నెగెటివ్ షేడ్ క్యారెక్టర్ అని చెప్తున్నారు. అంటే డాన్స్ కోసం ఎంతో కష్టపడ్డ ప్రభు.., ఇప్పుడదే డాన్స్ సినిమా కధలో విలన్ గా బ్యాడ్ క్యారెక్టర్ చేస్తున్నాడు.

వరుణ్ ధవన్- శ్రధ్ధా కపూర్ ప్రధాన పాత్రల్లో వస్తున్న ‘ఏబీసీడీ2’ సినిమా షూటింగ్ వచ్చే ఏడాది జనవరిలో ప్రారంభం కానుంది. ప్రాజెక్టును రెమో డిసౌజా డైరెక్ట్ చేస్తుండగా యూటీవి మోషన్ పిక్చర్స్ బ్యానర్ పై సిద్ధార్ధ్ రాయ్ కపూర్ నిర్మిస్తున్నాడు. సచిన్ జిగార్ సంగీతం అందిస్తున్నాడు. సినిమా డాన్సర్లు, కొరియోగ్రాఫర్ల వాస్తవ జీవితం, వారి కష్టాల నేపథ్యంగా సినిమాను తెరకెక్కిస్తున్నారు. ఇద్దరు డాన్సర్లు ఎలా కష్టపడి ప్రపంచ పోటిల్లో విజేతలుగా నిలిచారు.. వారికి పరిస్థితులు ఎలా అడ్డుపడ్డాయి? అనేది సినిమాలో చూపిస్తామని మూవీ యూనిట్ చెప్తోంది.

బాలీవుడ్ లో రీమేక్ సినిమాల డైరెక్టర్లలో టాప్ ప్లేస్ లో ఉన్న ప్రభుదేవా.., ఖాళీ దొరికినప్పుడు ఇలా నటిస్తూ తనలోని యాక్టింగ్ టాలెంట్ చూపిస్తున్నాడు. స్వతహాగా డాన్సర్, కొరియోగ్రాఫర్ అయిన ప్రభుకు ఈ మూవీలో నటించటం పెద్ద ఇబ్బందేం కాదు అని ఫ్యాన్స్ అంటున్నారు. చాలా సులువుగా పాత్రలో జీవిచగలడు అని చెప్తున్నారు. ఇన్నాళ్లుగా డాన్సర్, కొరియోగ్రాఫర్, డైరెక్టర్ గా తనలోని యాంగిల్స్ ప్రేక్షకులకు చూపించాడు. ఇప్పుడిక నెగెటివ్ రోల్ వంతు వచ్చింది. ఇందులో ఎలా చేస్తాడో చూడాలి.

కార్తిక్