కోలివుడ్ లో పవనిజం కాపీ అయింది

Posted: 10/15/2014 10:18 AM IST

పవర్ స్టార్ పవన్ కళ్యాణ్ ఏది చేసినా దాంట్లో ఓ స్పెషాలిటి ఉంటుంది. సినిమాలు, సేవా కార్యక్రమాలు, ప్రసంగాలు ఇలా ప్రతి ఒక్కటి ప్రత్యేకమైనవే. ఇలాంటి వాటివల్లే పవన్ కు ప్రస్తుతం తెలుగు పరిశ్రమలో, అభిమానుల గుండెల్లో ప్రత్యేక స్థానం ఉంది. అందువల్లే ఏ హీరోకు లేనట్లుగా పవనిజం ఇది మతంకంటే ఎక్కువ అని అభిమానులు విశ్వసిస్తున్నారు. రాజకీయాలను కూడా శాసించగల శక్తి పవర్ స్టార్ కు ఉంది అని తెలుసుకున్నారు కాబట్టే.., ఎన్నికల్లో ఆయన అవసరాన్ని గుర్తించి మద్దతు కోరారు. జనసేన పార్టీ వల్ల టీడీపీ, బీజేపికి బాగానే లాభం కలిగింది కూడా.

ఇది పవర్ స్టార్ గురించి క్లుప్తంగా చెప్పాలంటే. ఇదంతా బాగానే ఉంది కానీ.., పవనిజం ఇప్పుడు తమిళంలో కాపి అవుతున్నట్లు తెలుస్తోంది. తమిళంలో ఫేమస్ అయిన అజిత్ అభిమానులు కొత్తగా ‘అజిత్ యిజం’ మొదలు పెట్టారు. ఫేస్ బుక్, ట్విట్టర్ లో ఈ పేరుతో ఈ మద్య చేస్తున్న హడావుడి పెరిగింది. అటు ఈ మద్య వస్తున్న తమిళ సినిమాల్లో కూడా అజిత్ గత సినిమాల్లో చెప్పిన డైలాగులు, కొన్ని స్టయిల్స్ ను ఫాలో అవుతున్నారు. దీని వల్ల తమ సినిమాలు పాపులర్ అవుతున్నాయని కొందరు హీరోలు అంటున్నారు. అటు కొందరు అభిమానులు ‘అజిత్ యిజం’ పేరుతో సామాజిక సేవా కార్యక్రమాలు కూడా చేపడుతున్నారు. రక్తదానం, శ్రమదానం, వృద్ధులకు సాయం సహా ఇతర పనులు చేస్తున్నారు.

అయితే ఇవన్నీ పవర్ స్టార్ పవన్ కళ్యాణ్ కు దగ్గరగా ఉన్నాయని కోలివుడ్ ప్రముఖులు అంటున్నారు. అంటే ఇక్కడ తెలుగు సినిమాల్లో వపన్ పేరు, డైలాగులు వాడుకున్నట్లే అక్కడ అజిత్ ను ఉపయోగించుకుంటున్నారు. అదేవిధంగా తెలుగు రాష్ఱ్టాల్లో పవనిజం పేరుతో అభిమానులు చేస్తున్న సేవాకార్యక్రమాల లాగే తమిళనాట అజిత్ ఫ్యాన్స్ చేస్తున్నారు. అంటే పవనిజం పేరు మార్చుకుని తమిళంకు కాపి అయిపోయిందన్నమాట. ఏదయితేనేం పవన్ వల్ల ఎక్కడయినా మంచి జరిగితే ఆయన ఫ్యాన్స్ కు అంతకంటే ఏం కావాలిక.

కార్తిక్