చిరు కధలో ప్రకాష్ రాజ్ కీ రోల్

Posted: 10/08/2014 01:28 PM IST

సహజనటుడుగా పేరు తెచ్చుకున్న ప్రకాష్ రాజ్ మరో కొత్త సినిమాకు ఓకే చెప్పినట్లు తెలుస్తోంది. త్వరలోనే ఈ సినిమా షూటింగ్ లో పాల్గొంటారని తెలుస్తోంది. ఈ కధ చిరంజీవికి చెందినది. అంటే ఆయన కధ అని చెప్పలేము. మెగాస్టార్ 150వ సినిమా కోసం సౌత్ ఇండియన్ ఫేమస్ డైరెక్టర్ మణిరత్నం తయారుచేసిన కధ. ఆ మద్య ఈ కధను చిరుకు చెప్పగా.., తనకు సూట్ కాదు అని సున్నితంగా తిరస్కరించారు. దీంతో ఇదే కధను పట్టుకుని మలయాళ సూపర్ స్టార్ దల్వ్కేర్ సింగ్ ను పెట్టి సినిమా తీస్తున్నారు.

ఇప్పుడిదే సినిమాలో ప్రకాష్ రాజ్ కీ రోల్ పాత్ర పోషిస్తున్నట్లు తెలుస్తోంది. పాత్రలో నటించాలని మణి కోరగా.., ప్రకాష్ రాజ్ ఓకే చెప్పారట. ప్రీ ప్రొడక్షన్ పనులన్ని పూర్తి చేసుకుని రెండ్రోజుల క్రితమే షూటింగ్ ప్రారంభం కాగా త్వరలో రాజ్ జాయిన్ అవుతారని కోలివుడ్ వర్గాలు అంటున్నాయి. ఇక కధ విషయానికి వస్తే ఇది ఒక రొమాంటిక్ లవ్ స్టోరి అట. హీరోయిజం నుంచి వచ్చి లవ్ స్టోరీల్లో నటిస్తే ఆదరించరనే ఉద్దేశ్యంతోనే చిరు వద్దు అన్నట్లు తెలుస్తోంది. ఒకేసారి తమిళం, మలయాళ బాషల్లో ఈ సినిమాను నిర్మిస్తున్నారు.

నిత్యామీనన్ ఇందులో హీరోయిన్ గా నటిస్తోందని కోలివుడ్ వర్గాలు అంటున్నాయి. ప్రస్తుతం చిరు కధలు వెతికే పనిలో బిజీగా ఉండగా... ఆయన వద్దు అన్న కధనే పట్టుకుని మణి సినిమా చేస్తున్నాడు. మరి ఈ సినిమా ఏ మేరకు హిట్ అవుతుందో చూడాలి. అటు ప్రస్తుతం కొన్ని సినిమాలు మాత్రమే చేతిలో ఉన్న నిత్యకు ఈ మూవీ విడుదల అయితే మంచి ఆఫర్లు వచ్చే అవకాశమున్నట్లు తెలుస్తోంది. అయితే ఈ సినిమాను తెలుగులో రీ మేక్ చేస్తారా.., లేదా డబ్ చేస్తారా అనే విషయంపై మాత్రం మణిరత్నం సన్నిహితులు ఎలాంటి సమాచారం బయటకు రానివ్వటం లేదు.

కార్తిక్