ముసలాయనకు కిడ్నీ డొనేట్ చేసిన చెర్రీ!

Posted: 09/25/2014 09:17 PM IST

Megapower star ramcharan donates his kidney to senior citizen

ఈమధ్యకాలంలో చిత్రపరిశ్రమలో వున్న టాప్ సెలబ్రిటీలందరూ కొన్నికొన్ని సేవాకార్యక్రమాల్లో పాల్గొంటున్న విషయం తెలిసిందే! పేదవాళ్లకు డబ్బుల సహాయం అందించడం.. అనారోగ్యంగా వున్నవారికి ఆసుపత్రిలో చేర్పించి - చికిత్సలు చేయించడం వంటి కార్యక్రమాలను చేపడుతున్నారు. అలాగే ఆర్గాన్ డొనేషన్ ను ప్రమోట్ చేస్తున్న సంగతి విదితమే! ఈ వ్యవహారంపై బాలీవుడ్ సెలబ్రిటీలు సల్మాన్ ఖాన్, అమీర్ ఖాన్, ఐశ్వర్యరాయ్ ఎప్పటినుంచో ప్రచారాలు మొదలుపెడితే.. ఇటీవల మన టాలీవుడ్ లో నాగార్జున, అమల, ఇంకా తదితర సెలబ్రిటీలు కూడా ఈ కార్యక్రమంలో పాల్గొంటున్నారు. ఇప్పుడు తాజాగా వీరిజాబితాలోకి మెగాపవర్ స్టార్ రామ్ చరణ్ చేరిపోయినట్లు తెలుస్తోంది.

సెలబ్రిటీలందరూ ఆర్గాన్ డొనేషన్ ను ప్రమోట్ చేస్తుండగా... చెర్రీ మాత్రం ఒక ముసలాయనకు ఏకంగా తన కిడ్నీనే డొనేట్ చేశాడని గాసిప్స్ బాగానే జోరందుకున్నాయి. దీంతో ఇప్పుడు చెర్రీ టాక్ ఆఫ్ ది టౌన్ అయిపోయాడు. అయితే చెర్రీ తన కిడ్నీని దానం చేసింది రియల్ లైఫ్ లో కాదులెండి... అతను తాజాగా నటించిన ‘‘గోవిందుడు అందరివాడేలే’’ సినిమాలో తాత క్యారెక్టర్ లో నటిస్తున్న ప్రకాష్ రాజ్ కు చెర్రీ తన కిడ్నీ దానం చేసి, అతనికి కొత్త జీవితాన్ని అందిస్తాడనే సన్నివేశం వున్నట్టు యూనిట్ వర్గాలు తెలుపుతున్నాయి. ఆ సీన్ ఈ సినిమాలో పెద్ద హైలైట్ కానుందని ఇండస్ట్రీవర్గాల నుంచి వినిపిస్తున్న టాక్! ఇలా ఈ విధంగా చెర్రీ తన సినిమాలో కిడ్నీ దానం చేసి, తన తాతయ్యను కాపాడుకుంటాడన్నమాట!

గతంలో చిరంజీవి కూడా ‘‘విజేత’’ సినిమాలో తన కిడ్నీ దానం చేసి కుటుంబాన్ని కాపాడుకున్నట్టే.. చెర్రీ కూడా తన సినిమాలో కొన్ని త్యాగాలు చేస్తూ కుటుంబాన్ని కాపాడుకుంటాడని.. తాత ప్రకాష్ రాజ్, బాబయ్ శ్రీకాంత్ ల మధ్య వున్న విభేదాల్ని దూరం చేస్తాడని రూమర్లు వినిపిస్తున్నాయి. టోటల్ గా ఫ్యామిలీ ఎంటర్టైనర్ గా వస్తున్న ఈ సినిమాలో గతంలోలాగా కాకుండా చెర్రీ సెంటిమెంట్ తో ప్రేక్షకులను బాగానే అలరిస్తాడని ఇండస్ట్రీవర్గాలు చెబుతున్నాయి. మరి చెర్రీ సెంటిమెంట్ కు ప్రేక్షకులు ఎలాంటి మార్కులు వేస్తారో..? వేచి చూడాల్సిందే!