పవన్ కళ్యాణ్ గబ్బర్ సింగ్-2 ఎలా ఉండబోతోంది?

Posted: 03/15/2014 10:38 AM IST

శుక్రవారం నాడు తన సొంత పార్టీ జనసేన ఆవిర్భావ సభలో పవన్ కళ్యాణ్ తనింకా ప్రస్తుతం చేతిలో ఉన్న సినిమాలు పూర్తి చేస్తానని మాటిచ్చారు.  అంతేకాదు, తన వెనక డబ్బూ పరపతి ఉన్నవాళ్ళెవరూ లేరని, ఈ సభతోనే ఉన్న డబ్బులన్నీ అయిపోయాయని, మళ్ళీ సినిమాలు చేస్తే కానీ పార్టీని నడిపించటానికి డబ్బులు రావని కూడా ఆయన స్పష్టంగా చెప్పారు.

అయితే అభిమానులంతా ఆసక్తిగా ఎదురుచూస్తున్న పవన్ కళ్యాణ్ గబ్బర్ సింగ్-2 ఎలా ఉండబోతోందన్న ప్రశ్న ఇప్పుడు అందరిలోనూ ఉదయిస్తోంది. 

శుక్రవారం నాడు పవన్ కళ్యాణ్ చేసిన ప్రసంగం చూసినవారందరికీ గబ్బర్ సింగ్-2 ని తన వ్యక్తిగత, పార్టీ ఇమేజ్ ని పెంచే దిశగా రూపొందుతుందని అనిపిస్తోంది కదూ.  కథ గబ్బర్ సింగ్ లా పోలీసు కథే కానీ ట్రీట్ మెంట్ రాజకీయ తాలింపు వేసుకునే అవకాశం బాగా కనిపిస్తోంది.  వినోదానికైతే కొదవుండదు కానీ రాజకీయ విసుర్లు ఉండవచ్చని సినీ వర్గాల అంచనా!

అసలా సినిమా ఆలస్యమవటానికి కూడా పార్టీ ఆవిర్భావ ఏర్పాట్లే కారణమంటున్నారు!

-శ్రీజ