ఆలియాకు నయా కష్టాలు తెచ్చిపెట్టిన ‘బికినీ’

Posted: 10/01/2015 03:52 PM IST

Alia bhatt bikini problem shandar bollywood movie shahid kapoor

సినిమాల్లో హీరోయిన్లు బికినీలు వేయడం ఈమధ్య సర్వసాధారణమైపోయింది. యూత్ ని ఆకర్షించేందుకు దర్శకనిర్మాతలు తారల చేత ఈ బికినీలు వేయిస్తారు. అలాంటి డ్రెస్సులు ధరించడంతో తమకూ ఫ్యాన్ ఫాలోయింగ్ బాగానే పెరుగుతుందనే ఆశతో తారలు గ్రీన్ సిగ్నల్ ఇచ్చేస్తున్నారు. అయితే.. పెద్ద ఫ్యామిలీస్ నుంచి సినీ పరిశ్రమకు వచ్చిన అమ్మాయిలు మాత్రం చాలావరకు పద్ధతిగా కనిపించడానికే చూస్తారు. అవసరమైతే కాస్త చిన్నగా వుండే డ్రెస్సులు ధరించేందుకు రెడీ అంటారు కానీ.. లిప్ లాక్, బికినీలు వేసేందుకు ససెమిరా అంటారు.

కానీ ఇప్పుడు ట్రెండ్ పూర్తిగా మారిపోయింది. ఎవరైతే అందాలు ఆరబోస్తారో వారికే ఇండస్ట్రీలో ఎక్కువ డిమాండ్ వుంటుంది. అందుకే.. వారసత్వంతో ఇండస్ట్రీలో ఎంట్రీ ఇచ్చిన అమ్మాయిలు సైతం కేవలం నటన ప్రాధాన్యతగల సినిమాలు చేయడమే కాకుండా గ్లామర్ ఒలకబోసేందుకు రెడీ అంటున్నారు. హీరోలు, దర్శకుల కూతుళ్లు కూడా అందాల ఆరబోతకు ఏమాత్రం అడ్డు చెప్పట్లేదు. ఇప్పటికే అనిల్ కపూర్ తనయ సోనమ్ కపూర్ బికినీ అందాలతో మత్తెక్కించింది. ఇప్పడు మహేష్ భట్ కూతురు ఆలియా భట్ వంతు వచ్చింది. నిజానికి ఈ అమ్మడు తన తొలిచిత్రం ‘స్టూడెంట్ ఆఫ్ ది ఆయర్’లోనే స్విమ్ సూట్ ధరించి, యూత్ ని రక్తి కట్టించింది. కానీ.. తాజాగా ఆమె నటించిన ‘షాన్ దార్’ సినిమా కోసం బికినీ వేసేసింది. ఇప్పటిదాకా కనిపించిన బికినీ భామలందరికీ సవాలు విసిరేలా బికినీలో అందాలు ఆరబోసింది ఆలియా. ఆ బికినీ గురించే కొన్నాళ్లు వాడీవేడి చర్చలు కొనసాగాయి. ఏదైతేనేం.. ఆ దెబ్బతో ఆలియాకు క్రేజ్ మరింత వచ్చిపడింది. అయితే.. బికినీ వేయడానికి ముందు ఆలియా చాలానే కష్టపడిందట.

బబ్లీగా ఉండే ఆలియాకు ‘షాన్ దార్’ చిత్రంలో బికినీ వేయాలని చెప్పగానే కొన్ని నెలలపాటు జిమ్ముకెళ్లి ఒళ్లు కరిగించింది. ఆ కష్టానికి ఫలితం కూడా దక్కింది. బికినీలో చాలా సూపర్బ్ గా వుందని కామెంట్లు వినిపించాయి. అంతవరకు బాగానే వుంది కానీ.. ఆ తర్వాత మొదలైంది అసలు కష్టం. బికినీ కోసం సన్నబడ్డ సంగతి మర్చిపోయి ఆలియాని అందరూ ఓ పేషెంట్లా చూడటం మొదలు పెట్టారట. ఎందుకింత సన్నగా తయారయ్యావంటూ ప్రశ్నలతో కుళ్లబొడిచారట. ‘‘బికినీలో నా బాడీ బాగుండాలని సన్నబడ్డాను. కానీ అందరూ.. ఏంటిలా అయిపోయావ్? మరీ సన్నబడిపోయావ్? అని అడుగుతుంటే ఏదో తప్పు చేశానా అని బాధగా ఉంది. ఏదో పేషెంటుని పరామర్శించినట్లు పలకరిస్తున్నారు. అందరూ ఇలా అడుగుతుంటే మళ్లీ బరువు పెరగాలనిపిస్తోంది. ఇంకెప్పుడూ బరువు తగ్గకూడదు అనిపిస్తోంది’’ అని ఆలియా చెప్పినట్లు సన్నిహిత వర్గాలు చెప్పుకుంటున్నాయి.

AS