తమిళంలో తెలుగమ్మాయికి ‘ఎక్స్ పోజింగ్’ తంటాలు!

Posted: 04/22/2015 02:01 PM IST

సినీ ఇండస్ట్రీ అన్న తర్వాత హీరోయిన్లకు తప్పనిసరిగా ఎక్స్ పోజింగ్ చేయాల్సి వుంటుంది. మంచి నటనను కనబరుస్తూనే అందాలు ఆరబోస్తే వారికి మరిన్ని ఆపర్లు వరిస్తాయి. అలాకాకుండా ఎక్స్ పోజింగ్ చేయనంటే మాత్రం.. సినిమాలను చేతులారా మిస్ చేసుకోవాల్సి వస్తుంది. పైగా.. కాలక్రమంలో వారి ఇమేజ్ ఇండస్ట్రీలో తగ్గుతూ వస్తుంది. మరోవైపు కొత్తగా వస్తున్న హీరోయిన్లు విచ్చలవిడిగా ఎక్స్ పోజింగ్ చేస్తూనే లిప్ లాక్, హాట్ సన్నివేశాల్లో నటించడంతో వారికి మరిన్ని ఆఫర్లు వస్తున్నాయి. ఇలా వీరి నుంచి పోటీ వచ్చిన నేపథ్యంలో సీనియర్ తారలు సైతం అందాల ఆరబోసేందుకు సిద్ధమయ్యారు. అయితే.. ఏదిఏమైనా తాను మాత్రం సినిమాల్లో ఎక్స్ పోజింగ్ చేయనంటోంది తెలుగమ్మాయి శ్రీదివ్య!

‘బస్టాప్’ సినిమా ద్వారా వెలుగులోకి వచ్చిన తెలుగమ్మాయి శ్రీదివ్య.. తమిళంలో బిజీగా తారగా మారిపోయింది. అక్కడ ఈమెకి అందివచ్చిన అవకాశాలు ఏమాత్రం వదులుకోకుండా అంగీకరిస్తూ.. వరుస విజయాలను అందుకుంది. ఈ క్రమంలోనే ఈ అమ్మడు అక్కడ ఫుల్ బిజీ హీరోయిన్ గా మారింది. ఈమె క్రేజ్ ఎంతలా పెరిగిపోయిందంటే.. పెద్ద హీరోల సినిమాల నుంచి కూడా ఈమెకు అవకాశాలు వస్తున్నాయట! ఈ క్రమంలోనే ఈమెకు ఓ భారీ ఆఫర్ వరించింది. అయితే.. అందులో మోడరస్ డ్రెస్సుల్లో అందాలు ఒలకబోయాలని ఆ మూవీ దర్శకనిర్మాతలు డిమాండ్ చేయగా.. అందుకు తాను ఒప్పుకోనని చెప్పి ఆ మూవీ ఆఫర్ ని వదిలేసుకుంది.

ఈ విషయంపై ఆమె మాట్లాడుతూ.. ‘ఇటీవలే ఓ పెద్ద హీరో సినిమాలో నటించే అవకాశం వచ్చింది. ఆ ఆఫర్ రాగానే చాలా హ్యాపీగా ఫీల్ అయ్యాను. అయితే.. వారు బాగా ఎక్స్ పోజింగ్ చేయాలని డిమాండ్ చేశారు. దాంతో నేను ఆ ఆఫర్ ని వదిలేసుకున్నాను. నాకు మోడరన్ డ్రెస్సులు వేసుకోవడం ఇష్టమే కానీ.. ఎక్స్ పోజ్ చేసే దుస్తులు మాత్రం వేయలేను’ అని చెబుతోంది. మరి.. ఎక్స్ పోజ్ చేయనంటూ ఇలా మొండికేసి కూర్చుంటున్న ఈ అమ్మడికి రానున్న రోజుల్లో ఆఫర్లు వస్తాయా..? లేదా..? అన్నది వేచి చూడాల్సిందే!

AS