ముసలాయన బాగానే ముట్టజెప్పాడట

Posted: 01/13/2015 03:55 PM IST

సినిమా ఇండస్ర్టీలో క్రేజును బట్టి కాసులు రాలుతాయి. పబ్లిక్ లో ఎంత డిమాండ్ ఉంటే రేటు అంతగా పెరుగుతుంది. కాని ఒక్కోసారి అవసరం లేకపోయినా కొందరు భామలకు ఊహించని రెమ్యునరేషన్ వస్తుంది. సెకనుకు వేల రూపాయలు సంపాదించే తారలు ఇండస్ర్టీలో ఎంతోమంది ఉన్నారు. ఎంతో కష్టపడితే కానీ ఈ స్థాయి రేటును వారు పొందలేరు. కానీ ఎవరూ ఊహించని విధంగా శ్రీలంక భామ జాక్వెలైన్ ఫెర్నాండెజ్ రెమ్యునరేషన్ తీసుకుంది. ప్రస్తుతం బాలీవుడ్ లో ఇదే హాట్ టాపిక్ గా మాట్లాడుకుంటున్నారు.

ఉత్తరప్రదేశ్ లో ఏటా నిర్వహించే ‘సైఫై మహోత్సవ్’ కు బాలీవుడ్ తారలు వస్తారన్న విషయం తెలిసిందే. ఈ దఫా ఉత్సవానికి జాక్వెలైన్ ను కూడా ఆహ్వానించారు. ఉత్సవంలో మూడు నిమిషాల డాన్స్ కు అమ్మడు ఏకంగా డెబ్బై ఐదు లక్షల రూపాయలు వసూలు చేసినట్లు గుసగుసలు వస్తున్నాయి. బాలీవుడ్ ప్రముఖులకు కూడా ఈ స్థాయి డిమాండ్ ఉండదు. అలాంటిది ఈమెకు డెబ్బై ఐదు లక్షలు ముట్టచెప్పడానికి ములాయం ఎలా ముందుకు వచ్చారా అని చర్చించుకుంటున్నారు. ఇక బాలీవుడ్ భామలైతే జాక్వెలైన్ కు వచ్చిన రెమ్యునరేషన్ చూసి కుళ్లుకుంటున్నారట. మొత్తానికి ఈ వార్త ఎంతవరకు నిజమో తెలియదు కానీ.., ప్రచారం మాత్రం బాగానే జరుగుతుంది.