సరస సామ్రాట్ తొ సరసానికి సిద్ధమట

Posted: 01/02/2015 01:32 PM IST

బాలీవుడ్ లో పొడుగు కాళ్ల సుందరులు చాలామంది ఉన్నారు. కాని టాలీవుడ్ లో మాత్రం ఈ సంఖ్య కాస్త తక్కువగానే ఉంది. ఉన్నవారిలో చెప్పుకోదగినది హంసా నందిని. తెలుగులో ముమైత్ ఖాన్ తర్వాత ఆ ప్లేస్ ను భర్తీ చేస్తూ.., హాట్ ప్రేక్షకులకు హీటెక్కిస్తున్నా, ఈ భామకు ఆఫర్లు మాత్రం అంతగా లేవు. ముంబై మోడళ్ళు, ఫారిన్ అమ్మాయిలను దించేసి డాన్సులు చేయిస్తూ లోకల్ టాలెంట్ ను తొక్కేస్తున్నారు. ఆరబోసిన అందాలు వృధాగా పారబోసినట్లుగా మారటంతో ఏం చేయాలో తెలియక తెగ ఆలోచిస్తుండగా.., కెవ్వు మనే వార్త చెవిన పడిందట. దీంతో టాపు లేచిపోయేలా ఫుల్ వాల్యూమ్ తో డాన్స్ చేస్తోందట. ఇంతకీ ఏమిటా ఆఫర్ అంటే హీరో నాగార్జునతో సినిమాలో ఛాన్స్ వచ్చిందని సన్నిహితులు చెప్తున్నారు.

నాగార్జున నటిస్తున్న ‘సోగ్గాడే చిన్ని నాయన’ సినిమాలో ఈ అమ్మడు స్పెషల్ పాటలో డాన్స్ చేయనుందట. టాలీవుడ్ లో రొమాన్స్ రాజాగా పేరుపొందిన నాగార్జున కొద్దికాలంగా ఇద్దరు లేదా ముగ్గురు హీరోయిన్లతో సినిమాలు చేయటం తగ్గించాడు. చాలా కాలం తర్వాత మళ్ళీ ముగ్గురు హీరోయిన్లతో రొమాన్స్ చేసే సమయం వచ్చింది. ‘సోగ్గాడే చిన్ని నాయన’ సినిమాలో లావణ్య త్రిపాఠితో పాటు రమ్యకృష్ణ కూడా నటిస్తోంది. వీరిద్దరూ కాకుండా బోనస్ గా హంసా నందిని వచ్చి చేరటంతో మన్మధుడి అభిమానులకే పండగే పండగ.

కొత్త దర్శకుడు కళ్యాణ్ తెరకెక్కిస్తున్న ‘సోగ్గాడే చిన్ని నాయన’ సినిమా అన్నపూర్ణ స్టూడియోస్ బ్యానర్ పై నిర్మితమవుతోంది. కథను రాధా మోహన్ అందిస్తున్నాడు. ఈ మూవీలో నాగార్జున డబుల్ రోల్స్ పోషిస్తున్నాడు. త్వరలోనే మూవీకి సంబంధించి మరిన్ని వివరాలు తెలిసే అవకాశం ఉంది. అటు నాగార్జున - కార్తి కాంబినేషన్ లో ఓ మల్టీ స్టారర్ సినిమా కూడ త్వరలో ప్రారంభం కానుంది. పీవీపీ బ్యానర్స్ ఈ సినిమాను నిర్మిస్తోంది.

కార్తిక్