ఆ ముగ్గురి మిక్చర్ ‘త్రి’ష పిక్చర్

Posted: 10/28/2014 01:22 PM IST

ఏమిటో ఈ మద్య అందరికి రీమేక్ లు కలిసి వస్తున్నాయి. చూడలేకపోతున్న మొహాలు రీమేక్ లతో కొత్త లుక్ వేసుకుని వస్తున్నాయి. దీంతో ఈ సినిమాలు హిట్ అయి వారికి మళ్ళీ అవకాశాలు వస్తున్నాయి. ప్రస్తుత హీరోయిన్లకు సీనియర్ గా ఉన్న త్రిష..కు ‘దూకుడు’ రీమేక్ కలిసి వచ్చింది. దీంతో ఇక ఏమాత్రం ఆలస్యం చేయవద్దని వెంటనే కెరీర్ ను క్యాష్ చేసుకునే పనిలో బిజీగా మారిపోయిందీ భామ. ఇక అందరు హీరోయిన్లకు మాదిరే ఎగస్ర్టా డబ్బుల కోసమని ఐటం పాపగా మారేందుకు అంగీకరించిందట.

తెలుగు సూపర్ హిట్ ‘అత్తారింటికి దారేది’ని ప్రస్తుతం కన్నడలో రీమేక్ చేస్తున్నారు. ఈ మూవీలో త్రిష ఐటం సాంగ్ చేస్తుందని ప్రచారం జరుగుతోంది. ఇలా చేయటం వల్ల అమ్మడికి ఉన్న పాపులారిటీ పెరగటంతో పాటు డబ్బులు కూడా దండిగానే వస్తాయి. ఇక సినిమాకు ఇదో ఉచిత ప్రచారం అవుతుంది కూడా. ఇక తెలుగు వర్షన్ లో ఉన్న పాటకు ముంతాజ్, హంసా నందిని  చేస్తే.. కన్నడలో మాత్రం త్రిష ఒక్కత్తే స్పెషల్ సాంగ్ లో నటిస్తుందట.

సుదీప్ (ఈగ ఫేం) హీరోగా వస్తున్న ఈ ప్రాజెక్టును రీమేక్ హక్కులు సొంతం చేసుకున్న చంద్రశేఖర్ నిర్మిస్తున్నారు. నిమిషాంబ ఫిలిమ్స్ బ్యానర్ పై వస్తున్న ఈ మూవీని నందకిశోర్ డైరెక్ట్ చేస్తున్నారు. పొరుగు భాషల్లో హిట్ సినిమాలు రీమేక్ చేసి విజయాలు పొందటంలో ఆరితేరిన సుధీప్ తాజా ప్రాజెక్టుపై భారీ ఆశలు పెట్టుకున్నాడు. కన్నడ రీమేక్ లో సమంత పాత్రను రచిత రామ్ చేస్తుండగా.., ప్రణిత పాత్రలో హరిప్రియ నటిస్తోంది. ఇక ఈ మూవీకి రానాగా టైటిల్ పెట్టారు. ఈ మద్యే సుదీప్ పుట్టినరోజు సందర్బంగా మూవీ ఫస్ట్ లుక్, మోషన్ పోస్టర్ విడుదల చేశారు.

 

కార్తిక్