ఆ రోజు రాత్రికి సమంత రేటు కోటి రూపాయలు

Posted: 12/16/2013 05:36 PM IST

Samantha on december 31 at the rate of 1 crore

డిసెంబర్ నెల వచ్చిందంటే చాలూ...కథానాయికలకు ఉన్న ఇమేజ్ ని బట్టి బడా హోటల్స్ వారు ఎంత రేటైనా చెల్లించి ఆరోజు రాత్రికి బుక్ చేసుకోడానికి వెనుకాడరు. రాత్రి బుక్ చేసుకోవడం అంటే వేరేలా అర్థం చేసుకోకండి. డిసెంబర్ 31 నైట్ కి తమతమ హోటల్స్ లో నిర్వహించే కార్యక్రమాల్లో వీరి చేత చిందులు వేయించి కస్టమర్లను ఉత్సాహపరుస్తుంటారు.

అందుకోసం బడా కథానాయికలను భారీ రేటు ఇచ్చి బుక్ చేసుకుంటారు. ఇక విషయానికి వస్తే... టాలీవుడ్ లో ఫేమస్ హీరోయిన్ అయినా సమంతా ఇప్పుడు పలు సినిమాల్లో బిజీగా ఉంది. ఇటీవలే జపాన్ లో షూటింగు జరుపుకొని వచ్చిన సమంతాకు వచ్చి రాగానే బంపర్ ఆఫర్ తగిలిందట. మన హైదరాబాద్ కి చెందిన ప్రముఖ హోటల్ వారు డిసెంబర్ 31 తారీఖు రోజు మూడు గంటల పాటు చిందులేస్తే కోటి రూపాయలు ఇస్తామని ఆఫర్ చేశారట.

అనుకోకుండా వచ్చిన ఈ ఆఫర్ని అంగీకరించాలా ? వద్దా అనే సందేహాంలో పడిందట. అవి కూడా సరిపోక పోతే అదనంగా ఇవ్వడానికి సిద్దపడటమే కాకుండా, ఆ రోజు రాత్రికి వచ్చి పోయే ఛార్జీలతో పాటు ఇతర ఖర్చులను కూడా భరిస్తామని చెప్పారట. ఈ విషయం పై ఇంకా ఎలాంటి నిర్ణయం చెప్పని సమంతా... ఒకవేళ ఒప్పుకుంటే ఇమేజ్ డ్యామేజ్ అవుతుందని, ఒప్పుకోక పోతే కోటి రూపాయలు పోతాయని మధన పడుతుందట.

బాలీవుడ్ ఇప్పటికే కరీనా, కత్రినా, సన్నిలియోన్ వంటి చాలా మంది హీరోయిన్లు ఇలా ఒక్క రాత్రికి కోట్లు తీసుకొని ఆడి పాడారు. వారి ఇమేజ్ కి ఇలాంటి డ్యామేజ్ కాలేదు కాబట్టి ఈమెను కూడా కమీట్ అవ్వమనే సలహాలు ఇస్తున్నారట సన్నిహితులు. మరి సమంతా ఎలాంటి నిర్ణయం తీసుకుంటుందో చూడాలి.