Posted: 11/23/2012 06:06 PM IST

టాలీవుడ్ మిల్కీ బ్యూటీగా పేరు తెచ్చుకున్న తమన్నా, ఈ మధ్య తన సినిమాల జోరును కాస్త తగ్గించినట్లు కనిపిస్తుంది. ఇప్పటికే తెలుగు, తమిళ, హిందీ సినిమాల్లో స్టార్ ఇమేజ్ ని సొంతం చేసుకొని స్టార్ హీరోల ప్రక్కన నటించేసింది. మరి ఇక్కేం మిగిలిందట అంటే.... ఇండస్ట్రీలో సీనియర్ హీరోలు, స్టార్ హీరోలుగా పేరు తెచ్చుకున్న వారితో అంటే రజినీకాంత్, కమల్ హాసన్ వంటి వారితో నటించాలనే కోరిక మిగిలి పోయిందట. అందుకే సినిమాలకు కమీట్ కాకుండా పెద్ద హీరోలను గోకే (కాకా పట్టే) పనిలో ఉందట తమన్నా. ప్రస్తుతం తమన్నా హిందీలో ‘హిమ్మత్ వాలా ’ సినిమా, తెలుగులో ఒకటి అర సినిమాలు తప్ప పెద్దగా ప్రాజెక్టులు లేవు. రజినీకాంత్, విశ్వనటుడు కమల్ హాసన్‌తో నటించాలని ఉంది కాబట్టే, ఆ అవకాశం కోసం ఆత్రుతగా ఎదురుచూస్తున్నానని, ఒకవేళ వారితో నటించే అవకాశం వస్తే గనుక ఖచ్చితంగా వదులుకోనంటూనే వారిని ఇలాంటి చిలక పలుకులతో కాకపట్టే పనిలో ఉంది తమన్నా. మరి ఈ సూపర్ స్టార్స్ తమ్మూ కోరిక తీరుస్తారో లేదో చూడాలి అంటున్నారు సినీ జనాలు.